MPSC hnuaia hna lak tura Interview cancel chungchangah Zirlai pawl ten hma la zui

Chief Minister, Zoramthanga chuan MPSC hnuaia hnalak kal mek leh hna lak tur Advertisement tihchhuah tawh chu MPSC in a lak chhunzawm theih nan hma a lak nghal tur thu a sawi.

MZP General Hqrs. hruaitute chuan nimin khan Chief Minister, Zoramthanga hi a Office-ah kawmin MPSC hnuaia hnalak kalpui mek, interview mai tawh tur Home (Forensic) hnuaia UDC, AH&Vety Department hnuaia Computer Operator,Health Department hnuaia Staff Nurse bakah MPSC kaltlanga Group ‘B’ chin hna hrang hrang lak tur kal lai mek tihtawp a ni chu \halo an tih thu sawiin, MPSC-in hnalak tur a hmachhawp leh interview turte kaltlangpui chu MZP duh dan a nih thu leh kaltlangpui a nih loh chuan kaltlangpui a nih theih nan hma an lak tur thu an sawi bawk.

He hunah hian Chief Minister chuan MPSC hnuaia hnalak kal mek tihtawp a ni chu a hriatpui loh thu leh Sawrkar anga an hriat loh thu in MZP hruaitute chu a chhang a. MPSC chu Autonomous Body an nih angin Sawrkar anga thu va neih viau theih a nih loh thu sawiin, MPSC hnuaia hnalak kal mek leh hna lak tur Advertisement tihchhuah tawh chu MPSC in a lak chhunzawm theih nan hma a lak nghal tur thu leh MSSSB din thar a nih hma loh chuan MPSC kuta a la awm zel tur thu a lo hrilh a. MSSSB chu Autonomous body tur a nih thu leh Ministry in rawlhlohna tur, Board hrang hlak hna latu tur a nih thu leh induhsak awmlohna tur a nih thu a sawi bawk.

Hetihlai hian MSU General Hqrs. chuan Emergency Meeting neiin MPSC hnuaia hna lak tura Interview cancel leh Muster Roll Zirtirtu lak tura Written Test neihloh tura tih chungchang an sawiho a. Hemi hnua thuchhuah an siamah Mizoram sawrkarin School Education Department hnuaia Muster Roll zirtirtu mi 881 lak a tum chungchangah Written Test nei lo a Interview hmang chauha lak a tum chu \ha an tih loh thu leh he thil hian Mizo \halaite leh Zirlai-ah nghawng pawi tak a neih dawn avangin Quality Recruitment Process pangngai anga Written Test tel ngei a hna hi lak a nih theih nan a \ul anga hmalak zel nise an ti a. Mizoram Public Service Commission (MPSC) in July 22, 2019-a UDC Forensic (Home), Staff Nurse (H&FW) leh Computer Operator (AH&Vety) a interview a buatsaih tur cancel chungchang pawh Meeting-ah hian sawiho niin Mizoram Subordinate Service Selection Board (MSSSB) a la Function rih loh avangin MPSC in heng hna te hi a lak tlang vek theih nan hmalak nise an ti a. MSSSB hi pangngai taka a Function theih nan sawrkarah thlen nise an ti bawk.