Assam leh Mizoram ramri buai hi tharum hmanga chinfel kan tum lo - Home Minister

Home Minister, Lalchamliana chuan Mizoram leh Assam ramri buai chu tharum hmanga chinfel an tumlo tih sawiin, ramri issue chu Mizo leh Mizo inbeihna atan hman loh nise a duh thu a sawi a. Tunhnaia ruahsur nasa avanga chhiat tawk hrang hrangte chu a tawrhpui thu a sawi bawk. 

Nimin-a Aizawl Mizo Hnam Run-a MNF Chhung Inkhawm ah Home Minister, Lalchamliana hian thu sawiin Assam leh Mizoram ramri chungchang hi July ni 8, 2019 khan Chief Minister, Zoramthanga hova Council of Ministers \hukhawm chuan Bengal Eastern Frontier Regulation 1873 hmanga 1875-a notification chhuah kha an pawm dan a ni tih sawiin, ramri buai chu tharum hmanga chinfel an tum lo tih a sawi a. “Ram leh ram, State leh State inkar ramri buai chinfel har tak a ni a. State leh State inkar ramri tidanglam theitu chu Parliament a ni. Mizoten ramri-a kan pawm chin hi kan hlenchhuah theih nan All Party, All NGO-te nen sawrkarin \angho turin ke a pen ang. Ramri issue hi Mizo leh Mizo inbeih nan hmang lo ila, party dang pawhin political ball-ah hmang lo bawk se ka duh. I inlungrual tlang ang u,” a ti a. UT kan nih a\ang ringawt pawh kum 47-na a kal tawh tih pawh sawiin, “Party hrang hrangin sawrkarna an insiam chhawk a, thil khirhkhan tak a nih avangin tumah in kan ramri buai hi an hun lai \heuhin an la tifel lo a ni,” a ti bawk.
Disaster Management & Rehabilitation Department changtu Minister ni bawk Lalcham-liana chuan tunhnaia Mizoram-a ruahsur nasa avanga chhiatna hrang hrang thleng- Durtlang-a BSUP building chim ta te, Kawlchaw West-a hmeichhe naupang tuilian in a lak te, Tlawng lui a tla Lalfakzuala (Mafaka) zawn mek te, Saihapui-a nunna chan ta te, Tlabung area-ah tuilian tuarte chu pawi a tiin a tawrhpui thu a sawi a. “Tlabung Area-ah chuan khaw 32 a khawih a, In 700 vel a chim tawh zingah In 330 a chimpil tawh a. Chhungkaw 700 velin chenna In rauhsanin Relief Camp 42 siamin sawrkarin a theih ang angin buaipui hna a kalpui mek a. Lunglei, Serchhip, Chawngte leh hmundang danga ruahsur avanga chhiat tawkte ka tawrhpuiin pawi ka ti hle a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia