Serchhip-ah I-Day Football khelh tan a ni

/
Serchhip District Football Association in a buatsaih, Independence Day Football Tournament chu nimin khan Serchhip Sports Complex-ah khelh \an a ni.

Serchhip Sports Complex-a he Tournament bul\anna ah hian Serchhip District Football Association President, Zomuana Hnamte chuan Independence Day Football Tournament chu kumin hian kum danga tih loh danin SDFA hnuaia Affiliated Club a duh apiangte khelh theih tura buatsaih a nih thu a sawi a. He Tournament neih anih theih nan a hma latu, Serchhip District Bawrhsap leh a thawhpuite chungah lawmthu sawiin, Complex Field phal taka hman tirtu Serchhip-a Urban Development & Poverty Alleviation Department te chungah lawmthu a sawi bawk a. Serchhip Sports Complex-a Grass phah chu Ser-chhip District in kan neihchhun ala nih avangin a hmangtu ten dim taka kan hman a kan enkawl a ngai a ni, tiin Stadium leh a chhehvel te fai taka enkawl turin infiammi leh inkhel entute chu a chah bawk.
He Tournament-ah hian nimin khan inkhel \um 4 awmin inkhel hmasa berah Hmar Veng FC in Dress Up FC chu 9-0 in an sawp a, FC Ser-chhip Kawnpui in New Serchhip North FC chu 5-0 a sawpin Vengchung FC in Bazar Veng FC, Thenzawl chu 5-0 bawkin an sawp a. Inkhel hnuhnung berah Chanmari FC in FC Serchhip Kawnpui-II chu 5-1 in an hneh bawk.
Vawiin an inkhel \um li a awm leh anga, dar 9:30-ah Bungpui FC Vs Vengchung FC-II te inhmachhawnin Chhekhnai FC Vs New Ser-chhip FC (Veteran); Leisekawt FC Vs Hmar Veng FC leh Darnam FC Vs FC Serchhip Kawn-pui te an inhmachhawn bawk ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »