Hnam changkang apiangin an Hnam thil te lemchan kaltlanga puanchhuah an ngai hlu - A&C Minister

Art & Culture Minister, R. Lalzirliana chuan Hnam changkang zawk te apiangin an Hnam thil te Lemchan kaltlanga puanchhuah an ngai hlu tih a sawi.

Ministry of Culture, Govt. of India hnuaia North East Zone Cultural Centre (NEZCC), Dimapur leh Art & Culture Department \angkawp buatsaih ni 15 awh ‘Production Oriented Theatre Workshop’ kharna hun nimin chawhnu-a Aizawl Vanapa Hall-a neih a hmanpuina ah he thu hi sawiin Art & Culture Minister chuan, Mizote chuan \awngkaa inhlanchhawn \hin, tlem a zawng siamrem deuh hnua Lemchan hmuhnawm tak taka siam tur, Thawnthu leh Hlathu te kan ngah em em tih sawiin, Lemchan ngaihhlut leh tih hmasawn kawngah hian hmasawnna lai tur ngah ber te zing ami kan ni, a ti a. A ti tak tak peih te tan chuan eizawnna tlak a nih thu leh hetiang lama tui mi te chu Mizoram pawn lama chhuah hreh lo turin a chah bawk. Art & Culture Minister chuan Western Culture in Mizote lunglenna a hnem zo tak tak lo tih sawiin, “Mizo zai leh Hla - Tlar thum zai leh a dang te, Hnam lam leh Mizo Culture a bet thil pawimawh tak tak, a \hen te phei chu \hangtharte hriat tawh mang loh te pawh tharthawh leh turin sawrkarin ruahmanna a siam chho zel dawn a ni,” a ti bawk.

He Workshop-ah hian mi 20 telin ni 15 chhung hian lemchan lama hriat ngai leh thiam thil te zirtir an ni a. Lemchan zir chhuak te hian Mizo Lemchan, ‘Liandova Te Unau’ chu hmuhnawm an chang nghal a ni.