Mizoram tan ei leh bar ah harsatna a thlen ringlo

Mizoram mamawh lakluhna kawngpui pawimawh ber, NH. 54 Mualkhang dai-a leimin in a hnawh mek chu nimin khan Supply Minister, K. Lalrinliana chuan tlawhin he kawng min avang hian ei leh bar-ah Mizoram tan harsatna a awm a rinloh thu a sawi.
Mualkhang-a NH. 54 kawngpui ping mek tlawhtu Supply Minister hi PWD hotute chuan SE (Highway) Circle-I, C. Lalchhuana hovin an lo dawngsawng a, kawng enkawltu PWD te chuan Zirtawpni a\anga he kawng ping hi a tlang hun tur sawi mai theih ala nih loh thu sawiin, khaw awmdan in a zir chuan tunkar chhung chuan laihtlang hman an inrin thu an sawi a. Kawngko min mai hlauhawm a tam avangin hnathawh chak a har thu leh zan lamah phei chuan hna an thawh ngam loh thu sawiin, fimkhur taka hnathawh a \ul thu an sawi bawk.
He hunah hian Suppy Minister chuan he kawng min avangin ei leh bar lamah dinhmun harsa lutuka din a hlauhawm lo tih sawiin, “Kudam hrang hrangah buhfai dahkhawl kan ngah tawk a, mipui nitin mamawh pawh a theih ang anga lakluh mek zel a ni,” tiin Ei leh barah harsat a awm a rinloh thu a sawi a. Mualkhang Gas Bottling Plant pawh a tlawh thu sawiin, Phailam a\angin nitin Bullet hmanga rawn phurhluh a nih thu leh a semdarh leh lam pawh tlang kawng lam a\angin kalpui zel a nih avangin harsatna lian tham kan tawh a rinloh thu leh a sem dan ngaiin kalpui zel theih beisei a nih thu a sawi a. “Fur khawchhia leh kawng min avang hian Pathian zarah mipuite'n harsatna liantham kan tawk lo turah kan ngai,” a ti bawk.

Comments

Popular posts from this blog

PAN CARD an tih teh fo hi - Laldinpuia