I&PR in Thlalak thehlut turin mipuite sawm

Mizoram Calendar 2020-a hman turin Information & Public Relations chuan thlalak lama tui mi a duh apiang tan Mizoram lanna thlalak mawi leh hlutawm an lak te thehlut turin a sawm a.

Mizoram Calendar hi Mizoram leh Mizote hmel lanna a nih avangin kumin hian Department chuan kum dang zawng aia thalak thlan leh calendar design hi uluk a tum tih thuchhuah siamin an tarlang.

Thlalak hi RAW format a thehluh tur a ni a. RAW a thla la thei lo tan Original JPEG image thehluh tur a ni a. Thlalak khawih danglam (edit) chu pawm a ni lo lo ang. Thlalak hi July ni 31, 2019 thleng K.Vanlalsangi, Deputy Director, Directorate of Information and Public Relations Department, Treasury Square, Contact 0389-2322650 ah thehluh theih a ni.