PRRS avangin Mizoram-ah Vawk 11,079 thi tawhin cheng nuai 1062 vel hloh a ni tawh

Mizoram-ah Vawk natna, Porcine Reproductive and Respiratory Syndrome (PRRS) chu \um thum a leng tawh nia chhinchhiah a ni a, PRRS leng avang hian Mizoram-ah Vawk 11,079 a thi tawh nia chhinchhiah niin Vawk thi avanga sum hloh hi cheng nuai 1062 vel nia chhut a ni a, kumin ah PRRS leng a awm hriat ala ni lo thung.

AH&Vety Minister, Dr. K. Beichhua chuan nimin khan a Pisa-ah thuthar thehdarhtute kawmin Mizoram-a Vawk natna leng leh a venna kawnga Department hmalak dan te a sawi a. He hunah hian AH & Vety Minister chuan Porcine Reproductive and Respiratory Syndrome (PRRS) chu kum 2013 khan Mizoram-ah a vawikhatna atan a len thu leh hei hi India rama Vawk hri a len vawikhatna a ni bawk tih a sawi a, kum 2016-ah leh 2018-ah te PRRS hi leng nawn lehin kum 2013-ah Vawk 3806 thiin hemi avang hian cheng nuai 317 hloh anga chhinchhiah a nih thu leh kum 2016-ah leng lehin Vawk 4699 thiin cheng nuai 437 hloh anga chhinchhiah a nih thu a sawi a. Kum 2018-ah he hri hi leng lehin Vawk 2574 thiin cheng nuai 308 hloh anga chhut a nih thu a sawi bawk.

AH&Vety Minister chuan kumin bikah PRRS hri leng Mizoram-ah a awm hriat ala nih loh thu sawiin, Department-a thawkte chuan theihtawp chhuaha hma an lak thu a sawi a. Hei bakah hian ramdang a\anga Vawk lakluh khapna thupek siamin District Administrator leh Police lamte nen \angruala kenkawh a nih thu sawiin, amaherawh chu Myanmar a\anga Vawk lakluh ruk nana inkalpawhna a tam em avangin engemaw zat lakluh ruk chu a awm reng thu leh engemaw zat chu District hrang hrangah man a nih thu a sawi a. Serchhip District-ah khapna bawhchhiaa Vawk lakluh \um thum man a nih tawh thu leh Vawk puitling 29 leh Vawkte 102 manin Champhai District-ah \um hnih manin Vawk puitling 24 leh Vawkte 26 man a ni tawh tih a sawi a. Lunglei District-ah \umkhat manin, Vawk puitling 10 man a nih thu leh Aizawl District-ah \um hnih manin Vawk puitling 101 an man bakah Siaha District-ah pawh \um hnih man a nih thu leh thawnlet a nih thu a sawi bawk.

AH&Vety Minister, Dr. K. Beichhua chuan PRRS in nasa taka min run tawh hnuah, tunah hian PRRS aia hlauhawm zawk Vawk natna, African Swine Fever (ASF), a natna kai te'n zaa za an thihpui theih chu Asia ram chhung ah a leng mek tih pawh sawiin, he natna hi Myanmar leh Laos-ah pawh lo lang thuai tura chhut a nih thu a sawi a. Heng ram pahnihte hi Veterinary Infrastructure leh Surveillance-ah an pachhiat avangin nasa taka a darh an hlauthawng hle tih a sawi a. Myanmar nen ramri thui tak kan in\awm bawk si avangin India rama State zinga dinhmun hlauhawm berah kan ding mek tih a sawi a. Vawk lakluh pawh khap a ni chungin, tawlhluh ruk a ni reng bakah Vawksa a\anga siam (sausage, meatball, bacon, etc.) lakluh reng a nih thu sawiin, he natna bikah chuan hengte pawh hi hlauhawm vek an nih thu a sawi bawk.

Dr. K. Beichhua chuan African Swine Fever (ASF) chungchang pawh sawifiahin, he natna hi kum 1921-ah hmuhchhuah a nih thu leh Vawk leh Sanghal ten an vei theih thu a sawi a, a vei te chuan an thihpui tlangpui tih sawiin, Mizo-ram a Vawk hri leng zawng zawng aia Vawk suat nasa thei tu natna a ni tih a sawi.

African Swine Fever hi a enkawlna tur damdawi leh a venna tur (Vaccine) a awm loh thu pawh sawiin, he natna hi Vawk in an kai chuan an kai a\anga ni 4 -19 chhungin a lang chhuak ber a, Vawk pul hri kan tih dang Swine Fever, Erysepelas leh PRRS te nen a lan chhuah dan a in ang hle a, Laboratory a\anga test anih loh phei chuan hriat hran a har avangin mithiam te sample lak tir a test tir ngei ngei a \ha tih sawiin, tuna kan tih theih awmchhun chu inven a nih thu AH & Vety Minister chuan a sawi bawk.