MLA leh Minister te zalenna pek an ni - MNYF

MNF |halaite chuan Chief Minister, Zoramthanga’n MLA leh Minister te chu zalenna zau tak a pe tih an sawi.
Hemi chungchanga nimin a thuchhuah an siamah MNF |halaite chuan tualchhung chanchinbu hrang hranga PRISM Party in tun thla ni 15-a thuchhuah an siam tarlan a nih thu leh he an thuchhuahah hian Chief Minister, Zoramthanga chu thu belh-chiandawllo leh dengkhawng tak hmanga beiin Chief Minister chu lungin tan mai hmabakah an puh bawk tih an tarlang a. Hetianga kan ram hruaitute finfiahna awm si lova puh mai mai chu MNF |halai chuan ngai thu takin hetianga thu ziktluak lo hmanga ram hruaitute beih hi sim tawh turin thu an ràwn thu leh PRISM Office-ah thil awmzia zawt fiahin an kal nghal thu an tarlang a. Chief Minister hian MLA leh Minister te chu zalenna zau tak a pe tih tarlangin, “Sawrkar kal tawhte ngaihtuah chuan hetiang taka kan MLA leh Minister te kut phuar loh hi a la awm ngai lovin kan hria a, kan Minister leh MLA te hi Delhi lamah Mizoram hmasawnna tur ngaihtuahin an zin chamchi reng a ni. Hengte avang hian Chief Minister Pu Zoramthanga kaihhruai sawrkar hian Zoram hmasawnna an thlen mek a. Kan Chief Minister zahawm tak ram kaihhruai dan hi kan chhuang hle a ni,” an ti bawk.
Niminpiah a PRISM Party thuchhuah hian Chief Minister Zoram-thanga chu a Minister leh MLA ten an duhsak zawng hna an pek ve tur awm taka inrawlh a ching nia a lan thu leh hei hi duham thlak lutuk an tih thu tarlangin, “Eiruk thubuai rip tak awrh lai an i tih inhriaa fimkhur turin PRISM Party chuan kan duh,” tiin an tarlang a ni.

Comments

Popular posts from this blog

PAN CARD an tih teh fo hi - Laldinpuia