MPC hruaitu rual ten MPC an chhuahsan ve leh ta

ZPM-in Party pakhata inchhunfin tura hma an lakna MPC Party in a zawm ve theih tak loh avangin MPC Vice President, Lalthansanga (Chatea) hovin MPC hruaitu mi 10-in nimin khan an Party a\anga banna an thehlut.

MPC hruaitu an nihna a\anga banna thehlutte hi Vice President nilai, Lalthansanga bakah PAC member, Dr. B. Thangdailova; Adviser, Lalhmangaiha Sailo; Senior General Secretary, Phairothanga; General Secretary pahnih, Lalthlamuana leh Lalrinmawia; Secretary, C. Lal\anpuia; Executive Member pahnih K. Lalremliana leh Chhuankima leh MPC |halai President, H. Lalremtluanga an ni a, heng mite hi nimin khan Treasury Square-a MPC Pisa-ah kalin, banna hi an thehlut a, banna an thehluh lai hian MPC President, Lalhmangaiha Sailo chu a Pisa-a a awm loh avangin an Party Pisa nghaktute hnenah banna lehkha hi an pe a ni.

Zawhna chhangin MPC Vice President hlui ni ta, Lalthansanga chuan, an Party dintu |henphunga Sailo awmloh hnuah an Party kal dan chu a danglam hle tih sawiin, a Policy lo duan tawh ti hlawhtling turin ZPM chu Party rintlak awmchhuan nia an ngaih avangin MPC a\anga banna hi thehlut ta an ni tih a sawi a. Tuna hruaitu \henkhat banna thehlute chu a hmahruai chauh an nih thu leh an Party mi leh sa dangte pawhin an hmalakna chu an thlawp avangin ZPM Party chu an zawm ve zel dawn tih a sawi a. MPC a\anga an ban hma pawhin ZPM chu an awmna sa a nih thu leh an Party-a insawhnghet lehzual tura hetiang hmala hi an ni tih a sawi.

MPC hruaitute hian banna an thehluh hma hian Aizawl Press Club-ah thuthar lakhawmtute kawmin, banna an thehluh chhan leh an hmathlir tlangpui an sawifiah a. MPC Vice President, Lalthansanga chuan hetiang hma an lak chhan chu Zoram damna tur leh an Party dintu, Brig. T. Sailo-a hmathlir tihhlawhtlin theihna awmchhun nia an hriat vang a nih thu a sawi a. An MLA 4-te pawhin an hmalakna hi an thlawp a, huai tak leh chak taka ram rawngbawlna kawnga ke an pen theih nan hma an la tih a sawi bawk.

MPC Sr. General Secretary, Phairothanga pawhin ram siam\hat beiseina avangin \hahnemngai takin MPC Party-ah an lo awm tawh \hin thu leh hei hi chak zawka bawhzui a nih theih beiseiin, thawhhona thuthlung ZPM din a lo ni ta tih a sawi a. An hmalakna chu awmze nei lehzuala kalpui a nih theih nan ZPM-a tel pawl hrang hrang chuan Party pakhata inchhunfin relin, he hmalakna hi lungrual takin an kalpui emaw tih laiin MPC hotu \henkhatin ro hran relin ZPM-a an awm theih loh thu an puang ta a. He thutlukna hi an Party thuneitu sang, Executive Meeting-in a rel tur awm tak a nih laia an hruaitu \henkhatin an mahni thua hetiang thutlukna siam a, an hriat ve hmaa Press Conference hial nei a, ZPM-a an tel ve loh tur thu an puang ta chu vanduaithlak an tih thu an sawi bawk.