Mizoram-a Hmeichhe Jail hmasa ber hawn a ni

Home Minister, Lalchamliana chuan nimin khan Tanhril-ah Central Women's Jail a hawng.
Hmeichhia te tanna tur bika Mizoram-a Jail siam hmasak ber hawnna hunah hian Home Minister chuan Jail chu inhremna mai ni lovin insiam-\hatna hmuna siam turin he huna kalkhawmte leh thawktute a sawm a. Hmeichhe tan bika siam Jail kan neih theih nana hmalatu sawrkar hmasa chungah lawmthu sawiin, “Ka duhthusam chu he hmeichhe Jail-ah hian tang tur awm miah lo se, tih hi a ni,” a ti. Home Minister chuan Ram chang-kangte tih dan angin Jail chu misualte insiam\hatna ‘rehabilitation’ hmuna siam a duh thu leh chumi atan mi \hahnemngaite nen hma an lak \an mek thu a sawi a. Tuten emaw an nun \halo an sim a, Jail a\anga an chhuah hunah nun thar neia, eizawnna \ha an neih theihna tura Jail tangte enkawlna hmunah siam a duh thu pawh sawiin, hetiang lama mi \hahnemngai ten a hnenah rawtna an thlen duh a nih chuan a inhawn reng thu a sawi a ni.
Cheng nuai 1306.95 senga sak Central Women's Jail hi November, 2015 a\ang khan sak \an niin August 2018 khan zawhfel a ni a. A sakna sum hi sawrkar laipui Ministry of DoNER hnen a\anga hmuh niin a zau zawng (floor area) belhkhawm hi 2611.03 sq.m. a ni. Women's Jail sakna hmun hi kawt zawl zau tak a awm theih nan laih zawl belh a ni a. Security atan a hmun pumpui hi banga hung chhuah vek a ni bawk.
A chhungah hian Administrative Block, Convicted Prisoners te awmna tur building, Convict la ni lo leh thubuai ngaihtuah lai mekte awmna tur Building, Medical Inspection Building, Classified Prisoners Cell Block, Isolation Cell Block leh Quarters te a awm a. Heng bakah hian Recreation Hall, Recreation Room, Computer Room, Vocational Centre leh Quarantine Cell te pawh dah tel a ni bawk.

Comments

Popular posts from this blog

PAN CARD an tih teh fo hi - Laldinpuia