Health Worker leh ASHA te tan zirhona buatsaih

Nimin khan Serchhip Town chhunga hriselna lama thawktu Health Workers leh Accredited Social Health Activist (ASHA) te tan 'Capacity Building Programme' chu neih a ni.

Social Welfare Department hnuaia District Child Protection Unit (DCPU) buatsaih Serchhip Town a Health Worker leh ASHA te tana Serchhip I&PR Conference Hall-a 'Capacity Building Programme' ah hian Lalsiampuii, District Child Protection Officer leh R. Lalramdinmawii, Protection Officer (Institutional Care) te Resource Person-ah hman niin Sawrkar in Naupang te chanvo hrang hrang a siam sak chungchanga, Integrated Child Protection Scheme (ICPS) kalphung leh hnathawh dan te, Naupangte venhimna leh humhalh dan, Juvenile Justic (Care & Protection) Act 2005 chungchang te leh hriselna lama thawktuten naupang nan enkawlna kawng a mawhphurhna bakah hursualna laka naupangte humhalhna dan, Protection of Childrens from Sexual Offences (POCSO) Act 2012 leh Dan hnuaia fa lak (Adoption) chungchang te zirho a ni.