Tuipui-a chesual zawng; a Lawng keh hmuh a ni

Inrinni kaltaa Tuipui 'D'-a chesuala tuitla nia rin, T. Rochuailova lawngleng chu nimin khan suar-ah kehchhe veka hmuh a ni a, amah tak hi he thu buatsaih lai hian hmuh ala ni lo.

Inrinni zan khan T. Rochuailova (40) S/o T. Hmachhuana, Tuipui 'D' chu a inkhawm ban hnuahTuipui lui a Lawng thlun\hat tuma a kal chu chin hriat lohin a bo zui a, a bo thu hi Pathianni zing-ah hriat niin luia chesual nia rin a nih avangin luidung ah khaw-tlangin an zawng a, engmah a sulhnu hmuh a nih loh hnuah nimin khan mi tlawmngai ten an zawng chhunzawm leh a, nimin chawhnu dar 2:30 vel khan a bo \anna, Tuipui 'D' Marboat kai a\anga KM 80 vel zet a hla, Kawlchaw kai chhak Sihphir luichhuah-ah a Lawng leh a engine hmuh a ni a, amah erawh a sulhnu hmuh a ni lo thung.

Inrinni zan-a chin hriatloha bo, T. Ro-chuailova zawn hna hi Pathianni khan thawh \an niin lui mawng lamah thui tak zawn ni mah se hmuh a ni lo a, hei vang hian tui-ah a tla ngei nia ringin nimin a\ang khanGroup 6-ah in\henin a zawn hna thawh a ni a, Group khat chu Rubber Boat hmangin luimawng lamah an chhuk a, anni Group hi Kawlchaw kai thleng kal tura in ruahman an ni a, Kawlchaw kai an thlen hma deuh hian lawng leh engine hi tuiin a kam san \iau chungah an hmu ta a ni.

Hetianga Lawng kehthem hmuh a nih tak avang hian T. Rochuailova hi tui-ah a tla ni ngeia ngaih a ni a, nimin khan Lawng an thlunna hmun velah hian tui tla zawn hna thawh zui zel niin he thu buatsaih lai thleng hian thuthar dang hriat tur ala awm lo a ni. Mibo zawn hna thawka chhuak te mamawh a hman turin bialtu MLA leh Health Minister, Dr. R. Lalthangliana chuan Rs. 5000/- pe nghalin mi tlawmngai ten sum leh pai an thawh bawk a, Vawiin hian zawn zui leh tur a ni ang.