Regional Party-ah ZPM pawm a ni ta

Zoram People’s Movement (ZPM) chu Election Commission of India chuan, Section 29A of the Representation of the People Act, 1951 tlawhchhanin July 2, 2019 khan Mizorama Regional Political Party pakhat atan a ziaklut ta.
Nimin khan ZPM Chairman, Upa Lalliansawta chuan Aizawl Press Club-ah thuthar thehdarhtute kawmin he thu hi a sawi a, ZPM Chairman chuan Mizoram-a Political Party zingah piang tlai ber an ni chungin, Mizoram Legislative Assembly-ah Member pasarih an neih thu leh Opposition party zinga lian ber an nih ve mek thu a sawi a, hetiang dinhmuna hlangkaitu Pathian leh Mizoram mipuite chungah lawmthu a sawi bawk.
ZPM Chairman chuan Assembly inthlan kan zawh takah khan, ZPM an la inpeih hman lo hle tih sawiin, Movement ang chauha inthlan an hmachhawn chungin, MLA bial riat laiah mipuiten hnehna an chantir thu leh bial 10 laiah pahnihna sang takah hlankai an nih thu sawiin, “Mizoram mipuite hian sawrkar \ha neih duhin rual kan awt takzet tih chu Assembly inthlan kan neih zawh tak result hian a hril chiang hlein kan hria,” a ti a. “Tunah chuan, ZPM chu Political Party pakhat angin, Sawrkar Kalphung thar din turin, Party kalphung pawh danglam tak neiin a inbuatsaih thei dawn ta. Tun a\anga reilote ah hian Headquarters-ah mawhphurtu insiam thar a ni ang,” a ti bawk.
ZPM Chairman chuan Kum 2023 Assembly inthlan hmachhawn turin inbuatsaihna hun kum li leh a chanve a la awm tih pawh sawiin, Mizoram mipuiten an beisei Sawrkar \ha an neih theihna tura an hmanrua nih an tum tur thu a sawi a. “Kohhran te, Tlawmngai Pawl te, Sawrkar hnathawkte leh Press mite mit tlung taka inbuatsaih kan duh a, hun kal tawha kan tihsual leh kan \awng sual zawng zawngah min ngaidam tur leh, ngil taka kan kal theina tura thurawn min pe mawlh mawlh turin mipuite kan ngen a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia