Interview neih \an a ni

Mizoram sawrkar in MR-a zirtirtu hna thawk tur a lak tur atan nimin khan Interview chu hmun hrang hrangah neih \an a ni a, Serchhip-ah pawh interview hi neih \an a ni bawk.

Mizo-ram sawrkar in Middle School leh Primary School-a Zirtirtu MR-a thawk tur a lakna tur atana Interview hi Mizoram hmun hrang hrangah neih a ni a, Middle School Zirtirtu hi School 49 tan mi 64 lak tura ruahman niin Primary School 494 tan zirtirtu 817 lak tura ruahman a ni a, he hna dil te tana Interview hi Serchhip District-ah chuan Serchhip DC Office Chamber-ah neih a ni a, he hunah hian Middle School-a thawk turte tan Interview neih niin Serchhip District-ah hian Middle School 9-a zirtirtu 12 lak turah diltu mi 138 an awm a, sawrkar in ruahmanna a lo siam tawh angin he interview-ah hian DC chu Chairman niin District Education Officer (DEO) chu Member Secretary a ni a, Member atan SDEO, Principal DIET leh DP&AR aiawhte an tel bawk.

Hetihlai hian Serchhip District-a Primary School 42-a thawk tur mi 64 te lakna tura Interview chu karleh Thawhlehni khian neih \an a ni dawn bawk a, he Post 64 atan hian diltu mi 277 awmin heng zinga mi 3 te hi Person with Disable (PwD) hnuaia diltu an ni thung.