Police ten ruihhlo hmansual chungchang zirhona nei \an

Serchhip District chhunga Police te tan ni thum (3) chhung awh tur Ruihhlo hmansual chung-chang leh Ruihhlo dona Dan chi hrang hrangte zirhona hun chu nimin khan Serchhip SP Conference Hall-ah neih \an a ni.
He zirhona hawnna hun Serchhip SP Conference Hall-a neih hi Ser-chhip SP mawhphurhna la mektu, R. Sathiya-sundaram IPS chuan hmanpuiin ruihhlo chu mihring nun tibuaitu leh chhungkaw tana harsatna thlentu a nih thu sawiin, Police te chu Dan kengkawhtu an nih avangin ruihhlo laka an fihlim a pawi-mawh thu a sawi a. Chutih laia ruihhlo-a lo inhnamhnawih te an lo awm ve \hin chu pawi a tih thu pawh sawiin, \halai zingah ruihhlo avanga nunna chan te an lo la awm \hin te pawh pawi a tih thu a sawi bawk.
Nimin a he zirhona hawnna hun hi Ser-chhip SDPO, Victor Zothansanga MPS chuan Course Coordinator niin a kaihruai a, Training Ni hmasa berah hian Dr. Zodinmawii, Medical Officer/OST, District Hospital; Lalmuanchhani, BSc. Nursing, District Hospital Serchhip leh Lalsiampuii, DCPO Serchhip ten ruihhlo chi hrang hrang leh hmansual a ni \hin dan te, ruihhlo ngawl-vei te lo lanchhuah dan leh harsatna an tawh \hin dan te leh thil pawimawh hrang hrangte an zirho a ni. He Training-ah hian Serchhip District chhunga Police thlanchhuah mi 20 bakah PTS Thenzawl-a training lei mi 20, an vaiin mi 40 te telin hemi hmalam hian hetiang Training hi \um khat neih a lo ni tawh bawk a, Vawiin leh naktuk-ah te chhunzawm leh a ni ang.

Comments

Popular posts from this blog

PAN CARD an tih teh fo hi - Laldinpuia