Lirthei neitute leh YMA ten thawhhona an ziak

Serchhip Sub-Hqrs. YMA Anti-Drug Squad te chuan Serchhip-a Taxi, Auto Rickshaw leh Maxi Cab neitute chu ruihhlo dona kawnga thawhhona thuthlung an ziahpui.
SADS te hian Inrinni khan Serchhip Taxi Owners Association leh Serchhip Auto Rickshaw Owners Association hruaitute chu Serchhip Sub-Hqrs. YMA Committee Room-ah kawmin nimin tlai khan Maxi Cab Owners Association hruaitute an kawm leh a. Heng pawl hrang hrang hruaitute an kawmna ah hian SADS Chairman, Lalzuiliana chuan kan khawtlang-ah ruihhlo a hluar em em tih sawiin, kan zavaia \angruala kan do a \ul thu a sawi a. Ruihhlo chu amahin a rawn luh ngawt theihloh thu leh lirthei hmanga rawn lakluh a nih zel avangin lirthei khalhtute nen an \anrual a pawimawh thu a sawi bawk.
Serchhip Sub-Hqrs. YMA President, R. Sanghmingthanga pawhin kum 2014-ah Ser-chhip-ah Heroin hi a vawikhatna atan an man thu sawiin, tunah chuan ruihhlo ti zingah Serchhip damdawi In-a OST Centre pantu pawh mi 100 chuang zet an awm tawh thu leh panlo mi tam tak an la awm thu sawiin, kan dinhmun a \halo hle tih a sawi a. Khawtlang mipuite kan \anrual chuan ruihhlo dona kawngah hma kan sawn tur thu sawiin, YMA Branch hrang hrangte pawhin Zu dona kawngah nasa taka hma an lak mek thu an sawi bawk.
Lirthei neitu pawl aiawhte pawhin thawh-hona an nei thei chu lawmawm an tih thu sawiin, dan lo-a che an man \hin te chu an pawl-a tel duhlo te an nih \hin thu leh Dan bawhchhia te chungah chuan Dan anga hremna pek ngei \ha an tih thu te pawh an sawi bawk.

Comments

Popular posts from this blog

PAN CARD an tih teh fo hi - Laldinpuia