Naktuk a\angin AMC in Plastic hman khap dawn

Naktuk August 1, 2019 a\ang hian Aizawl Municipal Corporation (AMC) chuan Aizawl khawpui ah Plastic hman an khap dawn.
AMC in Aizawl-a Plastic hman a khap tur chungchang ah hian nimin khan AMC Mayor, PC. Lalhmingthanga chuan Aizawl Press Club-ah thuthar thehdarhtute kawmin, “Mipui hriselna atan te, luidung a thianghlima nungchate an hriselna atan te leh leilung venhimna atan te khap tur kan ni. Mipuite hian a pawimawh zia hrechiang se kan duh hle,” a ti. AMC Mayor sawi danin, Aizawl khawpui chhungah hian chhungkaw 67,594 vel awmin, AMC-in bawlhhlawh a lakkhawm chu nitin metric tonne 159.8 vel a ni a, heng zingah hian plastic tam tak a awm a, bawlhhlawh paihnaa paih loh plastic a tam zawk a ni.
AMC zirchianna a\anga a lan danin Aizawl khawpui hian plastic lam chi nitin quintal khat vel hmang a, hei vang hian AMC chuan Plastic hmang tlem tura hma lain No Plastic Exhibition te buatsaih a ni a. Hetihlai hian sawrkar laipui chuan plastic lam chi hman hnem pawizia a hriatchian avangin September, 2018 khan Urban Local Body-te lehkha pein, October 2, 2019 a\angin plastic hman lohna khawpui-a puang vek turin a ti bawk a ni.

Comments

Chhiar Hlawhte

Youth Icon Top-50 thlang