Chawlhbuk sak thuai nana hmala turin sawrkar phut

Zoram People’s Movement (ZPM) chuan Bairabi Zophai, Ch. Chhunga leilet-a Chawlhbuk sak thuai a nih theih nana hma turin Mizoram sawr-kar an phut thu an sawi.

ZPM General Hqrs. Steering Committee Aijal Club-a nimin a \hukhawm chuan Resolution pass in he thu hi an tarlang a, Chief Minister-in, “Ramri hi a sawia sawifel chi a ni lo, a chinfel dan tur kan hre ru a, tuna sawi chi a ni lo,” a tih chu a chinfel hun nghah-hlelhawm an tih thu leh a sawia sawifel chi a nih loh chuan a tihin tifel thuai se an tih thu a sawi a. Ramri buai chungchang ah MZP-in Political party te’n Political Advantage lak an hlauh avanga party te inrawlh lo tura in duh avanga tunhnaia Vairengte daia buainaa ZPM MLA te a hmuna an zuk kallo chu fakawm an ti tih pawh sawiin, MZP duh dan angin Vairengte daia Assam Forest in kut an rawn thlak chu a rang thei ang bera titawp tur leh Zophai, Ch. Chhunga leilet-a Chawlhbuk sak thuai a nih theih nan Mizoram sawrkar chu hma la turin an phut tih an tarlang a ni.
Hei bakah hian nimin a ZPM Steering Committee \hukhawm chuan tunhnaia MPSC in hna an lak tur interview an koh tawh Mizoram sawrkarin a cancel chu an dem thu leh a rang thei ang bera MPSC in interview hi kaltlangpui se an duh thu sawiin, Mizoram sawrkarin tunhnaia Education Department hnuaia 4th Grade hna lak tur Written Test kaltlang-a lak a tum mek laia a aia hna sang zawk, Zirtirtu Written Test nei lova lak a tum lawi si chu mak an tih thu leh Written Test kaltlang ngeia zirtirtu hna hi lak ngei nise an duh thu an sawi a. Kumina Zoram hmun hrang hranga Sawhthing chingtuten hlawk taka an thar an hralh thei chu an lawmpui thu pawh sawiin, ZPM Manifesto, Sawhthing Kg khat Rs.50/- a lei a theih zia a langchiang hle ah an ngaih thu an sawi bawk.