Written Exam tel lova MR Teacher lak tumna MSU in a tawp thlenga dodal an tum thu an sawi

Nimin tlai khan MSU General Hqrs. hruaitute chuan School Education Minister, Lalchhandama Ralte chu Office-ah hmuin Muster Roll Teacher lak tura Written Exam buatsaih tura ngenna ziakin an thlen.

MSU General Hqrs. hruaitute hi an President, Vanlalliana Khiangte chuan hovin School Education Minister hnenah hian Sawrkar in Muster Roll a Primary Teacher mi 817 leh Middle Teacher 64 a lak turah Written Test tel lova Interview hmang chauha lak a tum chu \halo an tih thu an sawi a. An duhloh chhan hrang hrang an tarlan zingah Mizo \halai hna zawng mek te ah nghawng \halo tak a pianchhuah an hlauh thu te, Ram leh hma hmasawnna bul\hut pawimawh zirna bulthum, Elementary School a zirlai ten Zirtirtu qualified ngei an neih \ul an tih thu te, Education Reform Policy leh Mizoram-ah Quality Education kalpui mek a nih laia Zirtirtu lak dan turah Quality Recruitment Process kalpui a nih leh si loh chuan ram leh hnam, zirlaite ah nasa takin nghawng \halo a neih tur thu te leh hna hrang hrang lak a nih dawn a an ngaihpawimawh ber \hin chu Written Test a nih thu te an tarlang bawk.

MSU General Hqrs. hruaitute chuan Interview hmang chauha hna lak tur chu cancel tu leh a pangngai anga Written Test buatsaih hnuah chuah Interview neih a nih theih nana hma la turin Education Minister hnenah hian an thlen a, an ngenna in ngaihpawimawh a hlawh loh chuan a tawp thlenga hma an lak tur thu an sawi bawk. Nimin a MSU in School Education Minister an hmuhna ah hian inremna a awm theilo nia thudawn a ni a, hei vang hian Vawiin chawhnu dar 1:00 hian MSU chuan Emergency Executive Meeting an nei leh dawn a ni.