SBM (G) hnuaia hma la \ha lawmman Serchhip District in a dawng

PHE Department hnuaia Swachh Bharat Mission (Gramin) leh Central YMA \angkawp in an buatsaih Faina kawnga hma la \ha te chawimawina leh Faina kawnga Mizoram thlen chin lawmna hun, Swachh Mahotsav (Faina Kut) chu nimin khan Aizawl Vanapa Hall-ah hman niin Serchhip District chu SBM (G) hnuaia hma la \ha District pathum thlanchhuah zingah a tel.

India ramin Faina kawnga a thlen chin china hlawhtlinna a hmuh ang ang lawmna atana Ministry of Jal Shakti in rampuma Swachh Mahotsav hman tura a rel anga nimin-a Aizawl Vanapa Hall-a hman hi PHE Secretary, Amjad Tak IAS chuan kaihruaiin he hun hi Home Minister, Lalchamliana chuan khuallian niin a hmanpui a. He hunah hian Home Minister chuan Faina lama rampuma hma kan lak bakah kan chhungril a faiin a thianghlim tur tih a sawi a. Fai leh thianghlimna tluantling nei tur chuan mimal tin ten Tui khamkhawp kan neih a pawimawh thu sawiin, Tui khamkhawp nei tur in sawrkar in \an a la mek zel a ni, a ti a. Tui hnar ram te venghima Tui hna te venghim turin mipuite chu a chah a. Mizoram chuan India rama State 29 zingah pawnler-a inthiar awmlohna, Open Defecation Free (ODF) State-ah kum 2018 khan 14-na ah puan a lo ni tawh tih pawh sawiin Home Minister chuan, he dinhmun hi luah renga hmalam pan zel turin kalkhawmte chu a sawm bawk.

Swachh Mahotsav-ah hian Mizoram-a Faina kawnga hma la \ha District pathum te hnenah chawimawina hlan niin hei hi Serchhip, Aizawl leh Champhai District ten dawngin Serchhip District lawmman hi SBM (G) Chairman leh District Bawrhsap, Sangchhin Chinzah chuan dawngin heng District pathum-a DC, Sangchhin Chinzah (Serchhip), Vanlalngaihsaka (Aizawl) leh Dr. Naveen Aggarwal (Champhai) te hnenah hian Mimal chawimawina, SBM lamah thlawpna an pek \hat avangin hlan an ni bawk a. District tinah Faina kawnga hma la \ha VC te chawimawina chu Serchhip District a\angin Sailuilak VC ten an dawng a, he chawimawina hian thuziak leh Rs. 5000/- a kengtel a. Aizawl District a\angin Maubuang, Champhai District-ah Pawlrang, Kolasib District-ah Lungdai, Lunglei District-ah |awipui North-II, Lawngtlai District-ah Kawr-thindeng, Siaha District-ah Siatlai leh Mamit District-ah Kawrtethawveng ten an dawng bawk.

He huna District tina Faina kawnga hma la \ha mimal lawmman sem chu Serchhip District a\angin kum 82-na upa, Thangvungi, E. Lungdar chuan dawngin thuziak leh Rs. 2000/- hlan a ni a. Hei bakah hian District chhunga Faina kawnga hma la \ha YMA Branch tin a\anga mimal thlanchhuah mi pakhat \heuh te hnenah chawimawina thuziak hlan niin Swachh Bharat Mission hnuaia Ek In sakna tur \anpuina dawng zingah cheimawi leh engkawl fai \ha thlanchhuah mi pathum te hnenah lawmpuina hlan a ni bawk.

Serchhip District in SBM (G)-a hma la \ha lawmman a lak dawng tur hian Serchhip a\ang pawhin District Bawrhsap, Sangchhin Chinzah te, Sr. Executive Engineer PHE Ser-chhip WATSAN Division, Er. F. Lalsanglura leh SBM (G)-a District Coordinator, Samuel Lallawmzuala te pawh an kal a ni.