YMA in Vehbur khawn dawn

Serchhip Sub-Hqrs. YMA chuan nimin khan Executive Committee \hutkhawm neiin tunhnaia Serchhip-a leimin avanga chhiatna tuar te chhawmdawlna atan Vehbur khawn nise an ti.

Nimin-a Serchhip Sub-Hqrs. YMA Executive Committee (SEC) \hutkhawm hi an President, R. Sang-hmingthanga chuan kaihruaiin Serchhip in Fur ruahtui tla avanga chhiatna a thlen tuartute tana kumdanga Vehbur an lo khawn tawh \hin angin kumin hian Sub-Hqrs. YMA in Direct-a a awp huamchhunga YMA Branch 28-ah Vehbur hi khawn leh nise an ti a, August 15, 2019 hmain Sub-Hqrs. YMA Office-ah pawisafai-a thehluh nise an ti a. Hei bakah hian chhiatna laka kan him theihna tura inzirtirna pawh neiin YMA Chan-chinbu-ah tihchhuah nise, Disaster Management Committee ten leimin duhna hmunah Check Dam siam a nih theih nan DPR lo siam se an ti bawk.

SEC Meeting hian Rajya Sabha MP, Ronald Sapa Tlau in MP LAD’s Fund a\anga Morgue Van leina tur Rs. 7,20,000/- a rawn pe chu lawmawm an tih thu sawiin, hruaitu ten lo bawhzuiin sum mamawh ang te pawh thawh belh nise an ti a. Serchhip Sub-Hqrs. YMA Anti-Drug Squad ten ruihhlo dona atana an mamawh angin YMA Office-a Meeting Room chu Duty Centre atan hman nise an ti a. Serchhip-a hnamdang Mistiri te hnathawh dan kalhmang chu uluk zawka zirchianga enpui nise tiin Vigilance & Monitoring Committee ten hma lo la se an ti bawk.

Hei bakah hian Serchhip Sub-Hqrs. YMA Conference Hall hman man tur pawh bithliah thar niin nikhat ah Rs. 500 leh zan lama hmang tel duh tan Rs. 800 nise an ti a. Serchhip Town chhunga YMA Branch 16 ten Serchhip District Hospital-ah mamawh huna hman theih turin Kuang dah se an tih bakah Branch YMA zinga luidung humhalh ten an luidung humhalhna bawhchhia an man te chu an awmna Branch te nen inberawnin pawikhawihtu chungah action lak \hin nise an ti bawk.