Serchhip District chhungah Myanmar a\anga lakluh Methamphetamine tam tham tak man a ni

Nizan hmasa khan Sailulak khuaah YMA leh VDP ten Myanmar a\anga lakluh nia hriat, Methamphetamine \hahnem tak an man a, heng damdawi man leh a kengtute hi nimin khan Serchhip rawn thlenpui an ni.
Thudawn danin Serchhip District chhunga awm Sailulak khua-a Hmarcha lakkhawm sa phur tura kal te kut a\angin heng Methamphetamine hi man a ni a, Sailulak hi Myanmar nena inhnaih tak niin Myanmar ramchhunga Dawn khua nen kawngpui \ha tak hmangin a inpawh a, helai kawngpui kaltlang hian ram pahnih te hi inkalpawh reng \hinin tunkar Thawhlehni khan hnamdang mi 4- MD Sajidul Haque (24) s/o Khair Uddin, Abdul Sahit (23) s/o Abdul Hussain, Aftar Uddin (25) s/o Abalmaia leh Monir Rodin (23) s/o Moto Uddin, Karimganj lam mi vek te chu Sailulak-ah hian kalin kumin kumtir lama Hmarcha lo leikhawm tawh sa chu an la a. Heng mi ten an sawi danin Karimganj lama awm mi pakhat, Dawn khua-a nupui nei chuan anmahni hi rawn biain an bungrua tlem phurhthlaksak tura ngenin, Sailulak a\anga va lakna man pawh a tum sak tur thu a rawn hrilh a. Hemi ang hian |iau-ah hian Motor dang hmanga va kalin kawngpui hi a lo ping a, hei hi anmahni rawn betu hi hrilhin JCB hmang tur leh a hman man pawh a tum tur thu a sawi angin East Lungdar ami JCB chu hmangin an kal leh a. Hemi hmang hian Hmarcha bag 6 chu JCB hmang hian rawn phurin hetianga an chet dan hi mipui te chuan ringhlelin nizan hmasa khan enfiah a nih hnuah heng Methamphetamine hi an man ta a ni.
Heng damdawi an man thu hi Serchhip-a Excise & Narcotics Department hotute chu rawn hriattir nghal niin anni pawh hi an tlanchho nghal a, tihtur \ul ang ang te tihfel a nih hnuah nimin khan an ruihhlo man leh a kengtute bakah |iau a\anga rawn phurhna atana hman JCB hi Serchhip rawn thlenpui a ni a. Heng Methamphetamine an man te hi uluk taka tuam Box 60-ah dah a ni a, Box pakhat-ah hian Pocket 50 zel awmin Pocket pakhat-ah hian Meth hi mum 200 zel a awm leh a, a vaiin mum 6,00,000 a ni a, heng damdawi leh a kengtute hi Vawiin vek khan Serchhip District Court-ah thawn nghal an ni. Tun \um hi Serchhip District chhunga Methamphetamine an man hmasak ber nia hriat a ni a, Serchhip District-ah man ala nih ngailoh avangin a hlut zawng pawh hi hriatchian hleihtheih a ni lo a, cheng vbc. 100 chuang man zet erawh ni tura ngaih a ni.

Comments

Popular posts from this blog

PAN CARD an tih teh fo hi - Laldinpuia