Latest News

FOCUS Mizoram Project Management Office hawngin District-a hman tur Two Wheeler vailiam a ni


Agriculture Minister, C. Lalrinsanga chuan nimin khan Aizawl-a Mizoram New Capital Complex (MINECO)-ah Fostering Climate Resilient Upland Farming Systems in the North East (FOCUS) Mizoram Project Management Office chu a hawng a. FOCUS hi Mizoram District 4-ah kalpui mek a ni.

Nimin a FOCUS Office hawnna hunah hian Agriculture Minister, C. Lalrinsanga chuan FOCUS chu United Nations Agency pakhat, International Fund for Agricultural Development (IFAD) hnuaia project niin, sik leh sa inthlak nasa (Global warming) leh climate change khawvelin a tawn mek hrula hmasawnna hna thawhna tura hmalakna pawimawh tak a ni, a ti a. Sik leh sa inthlak danglam nasain kan eizawnna ber thlai thar leh tlangram lo neih a tihbuai chhoh mekah lo neitute kawng kawhhmuh a, Technical Guidance pe turin FOCUS hi din a ni, a ti a. FOCUS-a thawktu zawng zawngte Mizoram mipuite tana hnathawk an nih inhre turin a fuih bawk.
FOCUS project in a tum ber chu thingtlang lo neiha eizawng chhungkaw 64,500 ten thlai hlawk zawka an tharchhuah theihna tura tih hmasawn leh kumtin Lo hal avanga sik leh sa inthlak danglam nasa lutuk tih ziaawm a ni a. Zawi zawia tlang ram lovah leh lo hal kalsan a, sik leh sa mil a thlai kumhlun hmanga lo neitute sum dehchhuah tihpun a tum a ni. He Project hi hlawm thum - thingtlang lo neih tih hmasawn, man man zawka ran leh thlai tharchhuahte dehral theihna tura ruahmanna siam leh Project Management leh thiamthil inzirtir ah te \hen a ni a. Khaw 272 leilung hmandan ruahmana neih tir te, loneitu 1,08,800 te hnena ram hman \angkai dan zirtir te, loneitu 27,200 te hnena ngelnghet zawka lo neih dan zirtir te, ram neilo chhungkua 10,880 te \anpui te, chhungkaw 25,000 te Vawk vulh a\anga hlawkna tel tir te chu he project tihhlawntlin tum tur zingah a tel a. IFAD a\angin FOCUS Project atan hian loan US dollar maktaduai 35.25 ruahman a ni a. FOCUS project hian Agriculture, Horticulture, Animal Husbandry & Veterinary Department leh Land Resources, Soil and Water Conservation Department te a huam a. Agriculture Department hi Nodal Department a ni.
Nimin a FOCUS Mizoram Office hawnna hun hi Agriculture Secretary, Lalhmingthanga’n a kaihruai a, Office hawnna programme hman zawh hnu hian Mizoram District hrang hranga District Management Unit (DMU)-te hman tur Bike 16 leh Scooty 8 te chu Minister hian a vai-liam nghal bawk a ni.

Comments

Popular News (Last 30 Days)