MPCC hruaitu tur chuhtu awm lovin tling

Congress hi kan tla zawi lo - Lal Thanhawla

Mizoram Pradesh Congress Committee (MPCC) hruaitu thlanna chu nimin khan neih niin President nilai, Lal Thanhawla chu chuhtu awm lovin President-ah tlingah puan a ni a. Vice President-ah H. Liansailova leh Treasurer-ah Zodintluanga te pawh chuhtu awm lovin tling ah puan an ni bawk.
Mizoram Pradesh Congress Committee (MPCC) hian nimin khan Lal Thanhawla Auditorium, Aizawl-ah inthlanpui hi neiin he inthlanna ah hian President-ah Lal Thanhawla, Zarkawt; Vice President-ah H. Liansailova, Bawngkawn South leh Treasurer-ah Zodintluanga, Durtlang Leitan te chu chuhtum awm lovin tling-ah puan an ni a. Heng bakah hian Executive Member tur Mipa 50 leh Hmeichhia 10, an vaiin mi 60 thlanchhuah niin Aizawl District Congress Committee (ADCC) hruaitu atan President-ah Vanlalzuiliana, Dawrpui Vengthar; Vice President-ah Lalhuapzauva, Vaivakawn leh Treasurer-ah Lalhmingthanga Pachuau, Chanmari te bakah Executive member 45 (Mipa 41 leh hmeichhia 4)-te chu chuhtu awm lovin tling-ah puan an ni bawk.
Nimin a MPCC hruaitu thlanna puala inkhawm tawi neih ah MPCC President leh Chief Minister hlui, Lal Thanhawla chuan tun ang reng renga ram hruaitu, eiruk thubuai nei lian hi Mizoram in kan la nei ngai lo tih a sawi a. MNF sawrkar hotu lian pahnihin eiruk thubuai lian tak an nei tih sawiin, an thubuai neihte hi evidence engkim awmsa a nih avangin Court-in a chinfel rual rual a Jail tang mai tur an ni tih a sawi a. Hei vang hian MNF sawrkar chuan rei a daih dawn loh thu leh, Congress bak chu sawrkar leh tur an awm chuanglo tih sawiin, “Hetiang kan hriat avang hian Congress hi kan tla zawi lo a, sawrkarna siam leh thuai thei kan ni tih inhre chungin kan tla tang hra mai a ni,” a ti bawk.
Lal Thanhawla chuan, ‘Congress chu Central lamah an tlachhe nasa a, Mizoram-ah pawh an dingchhuak tawh mai mai lo ang’ te an tih thu sawiin, “Mizoram Congress hi Central-ah kan la innghat ngai reng reng lo a, kan innghahna zawk chu Engkim tithei Pathian-ah a ni. Congress hian Pathian hriatpui programme hmangin Mizoram hmasawnna tur hna nasa takin a lo thawk tawh \hin a, Pathian in Mizoram hmasawn nan Congress party bak a hmang ngai lo. Mizorama hmasawnna liantham zawng zawng bakah zirna In sang zawng zawngte, damdawi In lian zawng zawngte hi Pathian zara Congress party-in a tihhlawhtlin vek a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia