MPC thupuan mimal thuneihna a hmalakna nilo tih sawi

MPC Party chuan General Assembly neia hruaitu thar thlanna an neih hnua Elected OB-te inrawnkhawmna a\anga an party dinna Press Conference hmanga an puan chu mimal thu-neihna hmanga hmalak a ni lo tih an sawi.
Nimin a thuchhuah an siamah MPC Party chuan ZPM anga thawhhona thuthlung an siam ah Pawl leh Party \hiat kher lova inthlanna chuh ho nise an tih chu lungrual taka pawmin an thawhhona pawh a hlawhtling thawkhat hle tih an tarlang a, hun tep ter tak karah pawh MLA Bial 8 an la thei tih sawiin, Pawl leh Party \hiat kher lova an thawh-hona ah hian an lungrual tlan hle laiin, Party leh Pawl \hiat tura innawrna chu hun engemaw ti a\ang khan a lian ta hle tih an tarlang a, hei hian lungrual taka an thawhhona boruak a ti rit ta hle nia tarlangin, hemi nghawng kal zelah an \hian, an thawhpui te ah hlet a rawn chhuah niin an tarlang.
MPC thuchhuah chuan July 10 leh 11-a General Assembly neia Elected OB-te inrawn-khawmna a\anga an party dinna Press Conference hmanga an puan kha mimal thuneihna hmanga hmalak a ni lo an tarlang a. Tunah hian General Hqrs. hruaitu turte an siam chho mek zel tih tarlangin, an la inpeih felloh deuh avangin OB Meeting an neih \hin pawh an la neih theih loh bakah OB leh Executive Committee Member atana ruat tawh te pawh appointment la pek chhuah kim loh a nih avangin OB \hut theih a la ni lo tih an tarlang bawk.
MPC thuchhuah chuan MPC party mi leh sa Independent MLA thlantlin, Vanlalhlana, VL. Zaithanzama leh C. Lalsawivunga te chu Anti-Defection Act-in a phuar avangin eng party ah mah member an nih theih loh avangin MPC party leh ZPM-a an nihna leh chanvo an neih zawng zawng pawh an in hnukdawk tih sawiin, MPC Party an duhloh avanga chhuak an ni lo tih an sawi bawk.

Comments

Popular posts from this blog

PAN CARD an tih teh fo hi - Laldinpuia