Myanmar a\anga dan lova Vawk lakluh za chuang leh kawng laka thi rep tur Police ten an man

Mizoram Police te chuan tunhnai khan dan lova Myanmar a\anga Aizawl khawpui chhunga Vawk lakluh tum 100 chuang manin heng zingah hian PRRS vei 6 finfiah a ni tawh a. Kawng laka Vawk thi \henkhat chu rep a nih mek laiin man a ni bawk.

Mizoram Police hotute sawi danin Zirtawpni zan khan Myanmar a\anga Vawk lakluh tum, Vawk puitling tawh 82 te chu Aizawl panpui a nih laiin Seling dai-ah Police te’n an lo man a. Heng Vawkte hi a puitling vek tawh niin Truck te chi engemaw zat hmanga phurh a ni a, Vawk an man zinga 20 te chu thi tawhin AH& Vety Department mite’n Selesih-a AH&Vety Department hmunah Inrinni khan an phum nghal a, heng Vawk an man te hi Rs. 30,34,000/- hu vel nia chhut a ni. Heng Vawk kaihhnawih ah hian Police te chuan Champhai mi nia inchhal mi 7 te pawh an man nghal a, heng Vawk te hi Myanmar ramri hnaih, Melbuk a\anga an phurh nia sawiin, an Vawk phurh a\ang hian Motor-ah 7 chu an thi a, a thi lo te hi AH&Vety Department-a mithiam te chuan an thisen an endik hnuah PRRS vei Vawk 6 finfiah a ni tawh bawk. Heng Vawk neitute hi thubuai siamsak niin Court-a hruai an nih hnuah Bail theih thubuai a nih avangin Court chuan Bail-in a chhuah an ni thung.

Hetihlai hian Bawngkawn Police te chuan an thudawn bawhzuiin nimin zing khan Motor pathum hmanga Aizawl-a Vawk lakluh tur 39 chu Zemabawk dai-ah an man leh a, heng Vawk zinga 3 te chu kawng-ah thiin a kawchhung paihin rep turin an dah\ha a, Motor pakhat ah phei chuan rep mek niin Vawk thi sa an chandarh pawh hmuh a ni bawk. Heng Vawk an man te hi Rs. 10,00,000/- hu vel nia chhut a ni bawk. Heti hian Mizoram Police te hian kar kalta chhung khan Aizawl khawpui-a phurhluh tur vawk an man hi a vaiin 121 a ni a, heng zinga 23 te chu thi tawhin tun thlenga enfiah chinah Vawk 6 te chuan PRRS an vei tih hmuhchhuah a ni tawh a ni.

Mizoram sawrkar chuan kumin hian Vawk hri leng, PRRS avanga Mizoram mipui ten harsatna an tawh loh nan nasa taka hma lain kumin kumtir a\ang khan Mizoram-ah rampawn a\anga Vawk lakluh hi a khap \an a, he thupek hi chhuah zel niin Mizoram pumah tunah hian ramdang a\anga vawk lakluh khapna thupek kenkawh mek a ni a. Heti chung hian a rukin Myanmar a\anga Vawk tawlhruk hi a la awm reng ni a thudawn a ni.