Serchhip Bazar-a lirthei dahna hmun siksawi dawn

Karleh Thawh\anni a\anga hman \an turin Serchhip Bazar-a lirthei dahna hmun \henkhat sik-sawi a ni a, Taxi leh Auto Rickshaw dinna \hin chu sawn a ni.

Hemi chungchanga tunhnaia SP Office in thuchhuah siama a tarlan danin Serchhip Bazar Police Beat Post kiang-a Taxi Stand atana hman mek leh a chhaka Auto Rickshaw Stand atana hman mek, Bazar Tual luhna chhak ber thleng chu Private Motor dahna atan hman a ni tawh dawn a, a chhaka Two Wheeler Parking atana hman mek chu a ngai anga hman leh tur niin hemi chhak chiah ah hian Auto Rickshaw Stand chu meter 21.9-a thui siam thar a ni dawn a, hetah hian Auto Rickshaw te hi horizontal-a park tur a ni ang.

Auto Rickshaw Stand tawp hmarlam a\anga PWD SDO Residence peng thleng pawh Private Motor dahna atan hian hman leh tura ruahman a ni bawk a, heng Private Motor dahna tura ruahman ah te hian 407 Truck aia lian dah a rem dawnlo thung a ni. Taxi Stand tihtawp a nih tak avang hian Serchhip Bazar-a Town Bus Stand inrinsa, tuna Taxi Stand hman mek ep-ah Town Bus Stand a\anga hmarlam meter 16 chu Taxi Stand atan siam thar a ni bawk ang.

SP Office thuchhuah chuan Serchhip Bazar leh Venglai area chhunga NH. 54 chhak-lam ah Parking area a nih loh chuan Private leh Public Carrier Motor dah phal a nih loh thu leh Dropping Zone-ah te pawh Passenger drop chhung bak din phal a nih loh thu a tarlang a. Zebra Crossing chu mipui himna tura Ke-a kalna tura siam a nih angin Zebra Crossing-ah Motor dah phal a nih loh thu leh Serchhip AOC Veng-a Chhingchhip Bus Stand siam chu Bus Service tur a awm tawhloh avangin tihtawp a nih thu a tarlang a. He thupek hi karleh Thawh\anni, July 22 a\anga hman \an tur a nih thu tarlan a ni bawk. Heng Lirthei dahna hmun siksawi te hi thu leh awmhma chu hman tura ruahman a ni.