Inter-Branch K|P Quiz Competition Elimination Round nei

Central K|P buatsaihin Inrinni khan Mizoram District Hqrs. hrang hrangah Inter-Branch K|P Quiz Competition 2019 Elimination Round neih a ni a, Serchhip-ah pawh K|P Branch 11 ten he intihsiakna hmasa hi an nei.

Mizoram Presbyterian Kohhran hnuaia Central K|P chanchinbu in ‘Kristian |halai’ Chanchinbu kum 50-na puala a buatsaih Inter-Branch K|P Quiz Competition-2019 ah hian District Hqrs. tinah Elimination Round neih a ni a, Serchhip District tana Quiz hi Serchhip Kawnpui Kohhran Committee Room No. 2-ah neih niin Serchhip Pastor Bial K|P ten an lo buaipui a, he hunah hian Serchhip District chhunga K|P Branch 11- Ser-chhip Hmar Veng Branch, Serchhip Vengchung Branch, Chhiahtlang Hmar Veng Branch, Chhiah-tlang Chhim Veng Branch, Thentlang Branch, Thenzawl Field Veng Branch, Thenzawl Venghlun Branch, Bungtlang Bazar Venghlun Branch, Kei\um Branch, Kei\um Kawn Branch leh Kei\um Dinthar Branch te an tel a. He inelna a tel te hian ziaka zawhna chhangin inelna an nei a ni.

Inter-Branch K|P Quiz Competition-2019 Elimination Round Mizoram puma neih ah hian District hrang hrang result hi Aizawl-ah lakhawmin Mizoram puma a ti\ha K|P Branch 20 thlanchhuah an ni dawn a, Elimination Round Result hi tun thla ni 26 (Zirtawpni) zan dar 8:00 ah Hruaina Eng channel a\angin Live a puan a ni anga. Heta thlanchhuah Branch 20 te hi Group 4-ah \henin heng Group tin a\ang hian Branch pakhat \heuh, a vaiin Branch 5 ten Final Round an thleng dawn a. Inelna hi August 22-ah neiin Final Round hi August 23-ah neih a ni anga, Dawrpui Kohhran Centenary Hall-ah inelna neih a ni ang. He intihsiakna a pakhatna hian lawmman ah Rs. 100,000/- an dawng dawn a, pahnihna in Rs. 40,000/- dawngin pathumna in Rs. 20,000/- an dawng anga. Semi Final-a tla Branch 15 ten Rs. 2500/- \heuh an dawng bawk ang.