Serchhip District-ah kum kalta chhungin Crop Compensation nuai 14 chuang pekchhuah a ni

Sawrkar kum kalta (April, 2021- March, 2022) chhung khan Serchhip District-a kuthnathawktu mi 455 te hnenah chhan hrang hrang avanga an thlai chhiat avangin zangnadawmna (Crop Compensation) cheng nuai 14 chuang pekchhuah a ni.


Serchhip DC Office atanga thu kan dawn danin Serchhip District chhunga Kuthnathawktu te hian chhan hrang hrang avanga an thlai chinna hmun leh an thlai chin chhia ah te zangnadawmna an dil thin a, heng an dilna te hi enfiah a nih hnuah sawrkar in ruahmanna a siam angin zangnadawmna hi pek an ni thin a. Sawrkar kum kata (2021-2022) chhun khan mi 455 te hnenah Crop Compensation hi pekchhuah niin a vaiin sum pekchhuah hi Rs. 14,70,394/- a tling a ni.

Thudawn danin nikum April leh May thla khan Serchhip District-ah Crop Compensation pekchhuah hi awm lovin June thla khan mi 25 te hnenah Rs. 3,87,000/- pekchhuah a ni a, July thla ah pekchhuah awm lovin August thla ah mi 96 te hnenah Rs. 2,31,300/- pek leh a ni a, September thla ah mi 80 hnenah Rs. 2,25,200/-, October thla khan mi 7 hnenah Rs. 35,460/- leh November thla ah mi pahnih hnenah Rs. 6800/- pekchhuah a ni bawk.

Nikum December thla khan mi 10 te hnenah Rs. 21,964/- pekchhuah leh niin kumin January thla khan mi 34 hnenah Rs. 1,90,130/- pekchhuah leh a ni bawk a. Kumin February thla chu Crop Compensation pekchhuah tam ber tum niin mi 192 te hnenah Rs.  3,32,800/- pekchhuah a ni a, March thla khan mi 9 te hnenah Rs. 39,740/- pekchhuah a ni bawk.

Thudawn danin Crop Compensation pek zingah hian ruahsur, tuilian leh leimin in thlai hmun a tihchhiat sak bakah kangmei avanga huan thlai chan te chu a tam zual an ni a, hemi ang hian ramkang leh tuilian tam laiin Compensation dil pawh hi an tam thin a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar