Junior Football Championship khel zel

Serchhip District Junior (Under-17) Football Championship 2022 chu nimin khan khelh chhunzawm leh a ni.

Serchhip Sports Stadium-a Junior Football Championship khelh mekah hian nimin khan inkhel hmasa berah Group D atangin Chhekhnai FC leh Bungpui FC Hriangtlang te chu goal hnih ve ve inpe in an inhneh-tawk a, inkhel vawi hnihna ah Group B atangin P&E FC chuan Field Veng FC chu si thum faiin an hneh bawk. Inkhel vawi thumna ah Group A atangin Khawlailung FC leh Bungtlang Bazar FC inhmachhawn tur chu Bungtlang Bazar FC an inlan loh avangin Khawlailung FC hi si thum fai-a chak-ah puan an ni a, Khawlailung FC hian Quarter Final an lut a, Group A atangin New Serchhip FC leh Keitum FC 2-2 in an inhnehtawk bawk.

Vawiin-ah inkhel tum 3 a awm leh anga, Dress Up FC Vs Hmar Veng FC; Bungpui FC Hriangtlang Vs Vengchung FC leh Darnam FC Vs P&E Veng FC te an inhmachhawn leh ang.

Comments

Popular News (Last 30 Days)

LPG man bithliah thar