Latest News

Kolasib-ah SEDP Committee thutkhawm neih a ni

Nimin khan Kolasib-ah District Socio-Economic Development Policy (SEDP) Committee chu a vawi khatna atan an thukhawm.

He thutkhawm DC Conference Hall-a neih hi Kolasib District SEDP Committee Chairman leh Deputy Commissioner, John LT. Sanga chuan kaihruaiin SEDP chu sawrkar flagship prog-ramme pawimawk tak a nih thu a sawi a. Kolasib District chhunga khaw tinah Village Level SEDP Committee din a ngaih thu sawiin, District leh Village Level SEDP Committee member-te chu a Fiel-a thawktu an nih angin heng member-te hi SEDP hlawhtlinna atana fawng pawimawh tak vuantu an ni tih a sawi a. SEDP hnuaia hna kalpuite chu a hlawhtlin ngei theih nan Committee member-te hmala turin a fuih bawk.

He thutkhawm ah hian Kolasib District SEDP Committee kalphung inhrilhhriatna neih a ni a, Village Level SEDP Committee din dan tur sawiho niin Village Level SEDP Committee tinah hian Chairman leh Member Secretary te ruat tur an ni a, hemi bakah hian In 250 leh a hnuailam chin awmna khuaah Prominent Citizen member pathum (3), In 251-500 chinah Prominent Citizen member panga (5) leh In 501 leh a aia tamah Prominent Citizen member pasarih (7) te ruat tur an ni a. Village Level SEDP Committee hi April thla chhunga din fel hman turin ruahmanna siam a ni.

Comments

Popular News (Last 30 Days)