COVID-19 hri kai enkawllai 594 la awm mek

Mizoram-ah COVID-19 hri kai enkawllai an pung leh hret a, nimin tlai dar 5:00 thleng khan hri kai enkawllai mi 594 an awm mek a ni.

Inrinni khan Mizoram-ah Sample 4777 enfiah niin COVID-19 hri kai mi 77 hmuh an ni a, Sample enfiah atanga chhutin za zela 16.14 te chuan hri an kai a, hri kai hmuhchhuah te hi Rapid Antigen Test hmanga Sample enfiah 466 atanga hmuh te vek an ni. Zirtawpni khan Mizoram-ah Sample 858 enfiah niin heng atang hian COVID-19 hri kai mi 112 hmuh an ni bawk a, Sample enfiah zinga za zela 13.05 te chuan hri kaiin hri kai zinga 110 te hi Rapid Antigen Test hmanga hri kai hmuhchhuah an ni a, ZMC-a RT-PCR Laboratory leh Aizawl-a TrueNat Laboratory-ah hri kai mi pakhat ve ve hmuh an ni bawk.

Inrinni khan Mizoram-ah hri kai enkawl dam mi 87 awmin nimin khan mi 68 enkawl dam an awm leh bawk a. Heti hian nimin tlai thleng khan Mizoram-a COVID-19 hri kai hmuhchhuah tawh chu 2,26,779 niin an zinga 2,25,491 te chu enkawl dam an ni tawh a, hri kai hmuh zinga za zela 99.43 te chu enkawl dam an ni tawh a, hri kai enkawllai 594 la awmin hri kai mi 694 an boral tawh bawk a, District tinah hri kai enkawllai an la awm vek a ni.