MLA Fund-a School Building sak thar hawng

Mamit District chhung Bawngthah khuaa Bawngthah High School Building sak thar chu nimin khan bialtu MLA Lalrintluanga Sailo chuan a hawng.

School Building thar hawnna ah hian bialtu MLA chuan Bawngthah khawtlang ten School an ngaihpawimawh zia a hmuhin lawmawm a tih thu leh an High School pawh a changtlun zel theihna turin a theih ang anga thuamthat a nih tur thu a sawi a, an mamawh te a hnenah thlen zel tura chahin, School mamawh leina tur bakah School tualzawl siam nan cheng nuai 2 bakah a hlawh atangin School tan thlatin Rs. 10,000/- a pek tur thu a sawi a, naupang te mamawh School Bag engemaw zat a pe nghal bawk. 

He hunah hian Bawngthah High School Management Board Secretary Lalenkawli chuan Dampa Assembly bial chhunga Bawngthah khua hian kum 2013 khan khawtlang tanhona in High School hi an din tih a sawi a, Primary School leh Middle School Building te tawmin kum 8 lai an awm hnuah Bialtu MLA hmalakna in School Building an nei ve ta tih a sawi a ni.