Minister in Zirtirtute theihtawp chhuah turin a fuih

School Education Minister Lalchhandama Ralte chuan sawrkar School-ah zirlai naupang an pun chhoh avang hian zirtirtute chu an hna ah theihtawp chhuaha Missionary rilru pu turin a chah.

E. Phaileng, Kepran, Sunhluchhip leh N. Serzawl te nimin khan School Education Minister Lalchhandama Ralte hian a tlawhna ah te thu sawiin, kumin a School bul tan chhoh mekah sawrkar School-ah enrolment a pung a, Classroom mamawh belh te, naupang thutna tur thutthleng leh dawhkan mamawh belh te, zirtirtu mamawh belh te kil hrang hrang atangin department-in a dawng tih a sawi a. “Mipui in an rohlu ber an fate an dah hian sawrkarah rinna an nghat tih a lantir a, a lawmawm hle a ni,” a ti a; zirtirtute chu an hna ah theihtawp chhuaha Missionary rilru pu turin a chah a ni.

Education Minister Lalchhandama Ralte hian khawvel lo awm zel tur hi Education kutah a awm avangin zirtirtute an hnaah inpe zual a, naupangte nen inkawmngeih a, naupangte talent tipung a, hmantlaka chher tura chahin, “Khaw tina tlawmngai pawlte leh khawtlang hruaitute pawh zirna hmunhmate humhalh a, a theih ang anga neitu chan chang turin ka sawm a ni,” a ti.

Hmar tlangdung khaw hrang hrang a tlawhkualnaah hian Education Minister hi khawtlang hruaitute leh mipuite'n an lo dawngsawng a, khawtlang mamawh leh hmasawnna turte an lo thlen bawk a ni.

Comments

Popular News (Last 30 Days)

LPG man bithliah thar