Mizoram-ah COVID-19 hri kai enkawllai 516 la awm

Mizoram-a COVID-19 hri kai hmuhchhuah tawh zawng zawng chu 2,25,962 niin nimin tlai thleng khan hri kai enkawllai 516 an la awm a ni.

Mizoram-ah ni khat-a COVID-19 hri kai hmuhchhuah tlem ve zelin hri kai enkawl dam erawh an pung ve zel a, niminpiah khan Sample 631 enfiah niin heng atang hian hri kai mi 61 hmuhchhuah leh niin Sample enfiah atanga chhutin za zela 9.67 te chuan hri an kai a, hri kai hmuh thar 61 zinga 60 te hi Rapid Antigen Test hmanga Sample enfiah 624 hri kai hmuhchhuah niin Fluorescent Immunoassay Test hmanga Sample enfiah pakhat ah hri kai hmuhchhuah a ni a, ZMC-a RT-PCR Laboratory-ah Sample 4 enfiah niin hri kai hmuh thar an awm lova, TrueNat laboratory-ah Sample 2 enfiah niin hri kai hmuh an awm lo bawk.

Hemi hma Ningani khan Mizoram-ah Sample 745 enfiah niin hri kai mi 78 hmuh an ni bawk a, an zinga 76 te hi Rapid Antigen Test hmanga Sample enfiah 727 atanga hri kai hmuhchhuah niin Fluorescent Immunoassay Test hmanga Sample enfiah 6 atangin hri kai dang mi 2 te hi hmuh an ni bawk a, ZMC-a RT-PCR Laboratory-ah Sample 6 enfiah niin TrueNat Laboratory hrang hrangah Sample 6 enfiah ni bawkin hri kai hmuhchhuah an awm lo a ni.

Niminpiah khan Mizoram-ah COVID-19 hri kai mi 101 te enkawl dam niin nimin khan mi 125 te enkawl dam an ni ve leh bawk a, heti hian nimin tlai thleng khan Mizoram-a COVID-19 hri kai hmuhchhuah tawh chu 2,25,962 niin an zinga 2,24,755 te chu enkawl dam an ni tawh a, hri kai hmuhchhuah atanga chhutin za zela 99.47 te chu enkawl dam an ni tawh a, hri kai enkawllai mi 516 la awmin hri kai zingah mi 691 an boral tawh a, tunhnaiah hri kai boral an tlem chhoh laiin nimin leh niminpiah khan mi pakhat ve ve an boral leh a ni.

Comments

Popular News (Last 30 Days)

LPG man bithliah thar