Serchhip-ah Heroin No. 4 Hawng 7 Police ten man

/

Serchhip Police te chuan nimin khan Serchhip-ah Heroin No. 4 Hawng 7 zet manin a neitu nia hriat leh a lirthei pawh man nghal a ni.


 Thudawn danin Serchhip Police te hian heng ruihhlo neitu nia hriat hi hun engemaw chen an lo enthlak tawh niin nimin khan ruihhlo hralh tura a kengchhuak chu New Serchhip Venglai-a Helipad Road-ah an man a, an ruihhlo man hi a vaiin Hawng 7 zet niin Sahbawn bawm-a khung a ni a, tualchhung a hralhna rate atanga chhut chuan Rs. 1,96,000/- hu vel nia hriat a ni. Heng ruihhlo neitu nia hriat hi Lalhruaizela (51), New Serchhip niin a Motor hman Mz-01/N-3303 pawh manin thubuai siam sak nghal a ni a, Vawiin hian Court-ah hruai tura ruahman a ni.

Ruihhlo neitu nia puh hian heng damdawi te hi Champhai atanga a lak niin Police te hnenah hian a sawi a, tualchhung-a zawrh leh tura tih a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »