RD Deptt. Minister hovin hmalakna thlirho a ni

Rural Development Minister Lalruatkima hovin nimin khan Rural Development Department hmalakna chu Planning & Programme Implementation Department Conference Hall-ah thlirho a ni.

RD Department hmalakna thlirhona hunah hian RD Minister chuan COVID-19 hripui leng vanga hun rei tak chhung Review Meeting an neih theih loh hnuah hun tha tak an nei thei ta chu lawmawm tiin RD hian Mizoram hmun tam zawk a tuam avangin ram tana hmasawnna hna tak tak thawktute an ni tih a sawi a, chuvangin thawktu zawng zawng te thahnemngai taka thawk turin a chah a ni. RD Minister chuan MGNREGS-ah nikum lamah cheng nuai 200 person days Mizoramin a dawng tih sawiin, kum thum chhung ni za-ah za mipui inhlawhna an siam sak thei a, kumin atan nuai 175 person days mipui inhlawhna tur approval hmuh a ni tawh tih a sawi bawk.

Shyama Prasad Mukherji Rurban Mission (SPMRM)-ah Cluster 4 Mizoram in a nei mek tih RD Minister chuan sawiin, sawrkar laipui ah dil belh mek niin Cluster dang sanction beisei mek a ni tih a sawi a. BADP-ah Sawrkar Laipuiin Payment System thar a hman tan tak avangin Mission Antyodaya nen Annual Action Plan inmila siam a ngai tawh dawn a, sawrkar laipuiin kalphung thar a phut ang te uluk taka zawm kimin, Ministry of Home Affairs atangin Fund a tam thei ang ber pawhchhuah a ngai a ni, a ti bawk. Lalruatkima chuan Sawrkar laipui atanga hmasawnna scheme dang PMAY-G leh PMKSY-Version 2-a hma an lakna te pawh a sawilang a. Hei bakah hian Mizoram Sawrkar flagship programme SEDP hnuaiah Deputy Commissiner theuh te Chairman-na hnuaiah District Level Committee din a nih tawh thu te, Project Director te chu Member Secretary atana ruat an nih thu leh State Sawrkar Flagship Programme a hlawhtlin theih nan theihtawpa tan lak a tul thu te a sawi a ni.

He hunah hian RD Department Secretary R. Zarzosanga chuan MGNREGS hnuaia Timely payment chungchangah Mizoram chu India ramah a titha ber te zingah a tel thu a sawi a. Kum kaltaah khan T+8 days chhunga FTO generate hman ah 98.58% an ni mek a, ni 9 hnu lama FTO generate chu 1.42% chauh a ni, a ti a. Za-ah za an achieve theihna turin District leh Block tina thawktute tan la lehzual turin a sawm a. Hna thawh chak zawng, Work Completion Rate-ah pawh India ramah State titha ber zingah Mizoram a tel thu a sawi a. Kum 2020-2021 ah 99.51% niin 2021-20222 ah hian 87.21% a ni. RD Secretary chuan Natural Resource Management lamah theihtawpin Mizoram Sawrkar RD Department in tan a lak dan a sawi a. Kum kaltaah khan 78.41% an achieve thu leh hetah pawh hian India rama hma la tha ber zinga an lan thu a sawi bawk a ni.