Kristian ni pawimawh hmang

Nimin April 15 kha Kristian te ni pawimawh Good Friday niin Serchhip-ah pawh Kohhran hrang hrang ten urhsun takin an hmang a ni.

Misual te tlan tura Isua Krista Kros-a khenbehna ni, Good Friday pual hian kum 2 chhung zet Kohhran ten hri leng avanga dan pangngaia hun an hman theihloh hnuah kumin hian urhsun taka hman a ni a, Kohhran hrang hrangte chuan Ningani zan atang khan hun an hmang a, nimin khan nileng bakah zan lam thlengin hun hman chhunzawm a ni bawk a, he ni puala thupui thlansa hmangin Pathian thuchah ngaihthlak a ni a, mi tam tak chuan Isua Krista tawrhna te an tawmpuina lantirin hun an hmang bawk a ni.

Naktuk Pathianni hi Isua Krista thihna hneha a thawhlehna ni, Easter Sunday a ni bawk a, he ni pawh hi Kohhran hrang hrang ten urhsun takin an hmang leh dawn a, Kohhran thalai ten zingkar-ah rimawi nen Isua thawhlehna thu hi puangin inkhawm an nei anga zan lam thlengin inkhawm neih chhunzawm a ni bawk ang.

Comments

Popular News (Last 30 Days)

LPG man bithliah thar