Serchhip District-ah hri kai enkawllai tam ber

Zonuna Kawlni /

Mizoram District hrang hrang zingah Ser-chhip chu COVID-19 hri kai enkawllai tamna ber a ni mek.

Nimin khan Serchhip District-ah COVID-19 hri kai hmuhchhuah belh report a awm lova, Inrinni khan Serchhip District-ah hri kai mi 27 hmuh belh niin an zinga 11 te chu Hmuntha khua atanga hri kai hmuh an ni a, Thenzawl-ah hri kai mi 5 hmuh niin Chhiahtlang leh East Lungdar-ah mi 4 ve ve, Khawlailung-ah 2 leh New Serchhip-ah hri kai mi pakhat hmuh an ni bawk.

Inrinni khan Serchhip District-ah hri kai enkawl dam mi 30 awmin nimin khan mi 21 lai enkawl dam an awm leh bawk a, heti hian nimin thleng khan Serchhip District-a COVID-19 hri kai hmuhchhuah chu 13,793 niin an zinga 13,590 te chu enkawl dam an ni tawh a, hri kai zinga za zela 98.52 te enkawl dam ni tawhin enkawllai 169 an la awm a, District hrang hrang zingah hri kai enkawllai tamna ber a ni mek a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »