Health Mela neih a ni dawn

Vawiin hian Chhingchhip khua ah Hriselna Kutpui, Health Mela neih a ni dawn a, Serchhip atangin Doctor leh thawktu dangte an kal ang.

Ministry of Health and Family Welfare, Govt. of India in a ruahman angin India ramchhunga State zawng zawngah India Independence vawi 75-na, Azadika Amrit Mahotsav denchhenin Vawiin atanga kar hnih chhung (April 18 - 29) hian Block tinah Health Mela (Hriselna Kutpui) hman a ni dawn a, Serchhip District-ah chuan Vawiin hian Chhingchhip khua ah neiin karleh Thawhtanni, April 25 khian East Lungdar-ah neih leh tur a ni ang.

Health Mela hi National Health Mission, Health & Family Welfare Department Mizoram bakah Education Department, DIPR, Women and Child Development, Rural Development, Sports & Youth Affairs, Ayush, Food Safety, Urban Development and Poverty Alleviation (UD&PA) leh Art & Culture Department te nen tangkawpin buatsaih a ni dawn a. Damlo inentir zawng zawngte tan damdawi In a an Health Record hrang hrang an dahthatna tur Health ID (ABHA-ID) siam sak an ni anga, Healthcare hnuaia Health Insurance Card (Ayush-man Bharat PM-JAY Card) siamsak an ni bawk ang. Hei bakah hian damlo inentir te chu Investigation a thlawna tihsak an nih dawn bakah a tul angin damdawi pawh sem a ni ang.

Comments

Popular News (Last 30 Days)

LPG man bithliah thar