Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Under-17 Football Semi Final khel dawn

Serchhip District Junior (Under-17) Football Championship chu Inrinni khan Quarter Final khelh niin Vawiin hian Semi Final khelh a ni ang.

Serchhip District Football Association (SDFA) buatsaiha Serchhip Sports Complex-a khelh District Junior (Under-17) Football Championship-ah hian Inrinni khan Quarter Final match li khelh a ni a, inkhel hmasa berah Khawlailung FC chuan Lalruathlua goal khung hmangin Darnam FC chu si khat faiin an hneh a, inkhel vawi hnihna ah Keitum FC in 3-1 in P&E FC an hneh a, Keitum FC tan Lalremhlua chuan goal hnih a khung bakah Zothanpuia chuan goal khat a khung a, Lalbiakhlua chuan P&E FC tan goal khat a khung bawk.

Inkhel vawi thumna ah Chanmari FC in Bungpui FC Hriangtlang chu 5-0 in an sawp a, Chanmari FC tan Lawmsangzuala chuan goal 4 a khung bakah Johan Lalnuntluanga chuan goal khat a khung a. Inkhel hnuhnung berah Dress Up FC in Vengchung FC 3-1 a hnehin Dress Up FC tan Lalfakawma, Donny Vanlalthlamuanpuia leh Felfamkima te chuan goal khat theuh an khung a, Vengchung FC tan Lalvenpuia chuan goal khat a khung ve bawk a ni.

Vawiin hian Semi Final hi a hmun ngai ah khelh a ni anga, chawhma dar 10:30-ah Khawlailung FC leh Chanmari FC inhmachhawnin dar 12:00 ah Kei’um FC leh Dress Up FC an inhmachhawn bawk ang.

Comments

Popular News (Last 30 Days)