Hri kai 62 zet hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, he thu buatsaih lai hian hri kai hmuhchhuah thar te Veng leh khua kimchang hriat theih ala ni lova, District hrang hrangah hri kai hmuhchhuah leh enkawllai an tlakhniam tawh viau laiin Serchhip District-ah erawh ala tlahniam chak vak lo a ni.

Nimin khan Serchhip District-ah hri kai enkawl dam mi 29 awm belh leh bawkin heti hian nimin thlenga hri kai hmuhchhuah tawh chu mi 13,695 an ni a, an zinga 13,513 te chu enkawl dam ni tawhin hri kai zingah za zela 98.67 te chu enkawl dam an ni tawh a, hri kai enkawllai mi 148 lai an awm leh tawh a ni.

Hri kai boral awm belh :

Serchhip District-a COVID-19 hri kai te zinga mi F. Malsawma (84), Saron Veng, East Lungdar chu nizan dar 5:30 khan a boral a, Vawiin ah vuiliam a ni ang. F. Malsawma hi natna dang nei tel niin nimin khan COVID-19 hri a kai tih hmuhchhuah a ni a, In lamah enkawl niin nizan khan a boral zui ta a ni. Heti hian Serchhip District-a hri kai zingah mi 34 an boral ta a ni.