Pathianni-ah hri kai mi 61 hmuh belh an ni

Pathianni khan Mizoram-ah Sample 173 enfiah leh atangin COVID-19 hri kai mi 61 hmuh belh leh a ni a, Sample enfiah atanga za zela 35.26 te chuan hri an kai a ni.

Pathianni-a hri kai hmuhchhuah te hi Rapid Antigen Test hmanga Sample enfiah 171 atanga hmuh niin Saitual District-ah hri kai mi 32 hmuh an ni a, Mamit leh Khawzawl District-ah hri kai mi 9 ve ve hmuh an ni a, Lunglei District-ah 5, Aizawl District-ah 3 leh Kolasib, Serchhip leh Hnahthial District-ah hri kai mi pakhat theuh hmuh an ni bawk. Pathianni khan Lunglei leh Hnahthial-a TrueNat Laboratory-ah Sample pakhat ve ve enfiah niin hri kai hmuh an awm lova, RT-PCR Laboratory leh Fluorescent Immunoassay Test hmangin Sample enfiah a awm lo thung a ni.

Nimin khan Mizoram-ah COVID-19 hri kai enkawl dam mi 129 awm belh lehin heti hian nimin thlenga Mizoram-a hri kai hmuh tawh chu 2,26,172 niin an zinga 2,25,020 te chu enkawl dam an ni tawh a, hri kai hmuh atanga za zela 99.49 te enkawl dam ni tawhin hri kai enkawllai mi 460 an la awm a, hri kai zingah mi 692 an boral tawh bawk. Tun dinhmun ah District 10-ah hri kai enkawllai la awmin nimin ah Siaha District-a hri kai mi 2 enkawl damin an District-a hri kai enkawllai an awm rihlo a ni.

Comments

Popular News (Last 30 Days)

LPG man bithliah thar