Hri kai mi 30 hmuh belh

Nimin khan Serchhip District-ah COVID-19 hri kai mi 30 lai hmuh belh leh niin hri kai enkawllai pawh mi 116 zet an la awm.

Nimin a Serchhip District-a hri kai hmuhchhuah 30 zinga 20 hi Hmuntha khuaa hri kai hmuhchhuah niin Thenzawl-ah hri kai mi 6 hmuh an ni bawk a, Khawlailung-ah hri kai mi 3 hmuh an nih bakah Hmunzawl-ah hri kai mi pakhat hmuh a ni bawk.

Nimin khan Serchhip District-ah hri kai mi 29 enkawl dam an awm ve leh bawk a, heti hian nizan thleng khan Serchhip District-a hri kai hmuhchhuah chu 13,633 niin an zinga 13,484 te chu enkawl dam an ni tawh a, hri kai zingah za zela 98.90 te enkawl dam ni tawhin hri kai enkawllai 116 an la awm a, hri kai zingah mi 33 an boral tawh bawk a ni. Hri kai enkawllai mi 3 te hi 3C-ah enkawl niin midang zawng te hi In lama enkawl an ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man