Mizoram Lokayukta-ah thubuai 44 a lut tawh

Mizoram Lokayukta chuan a din tirh kum 2019 atanga kumin thlengin thubuai 44 a dawng tawh a, kumin chhunga thubuai an dawn 7 zinga 3 chu Lengpui Airport cheithat hnathawh kaihhnawih chungchang a ni.

Mizoram Lokayukta chhinchhiah danin, March 11, 2019-a Chairman lakluh a nih atanga April 16 thlenga thubuai a dawn tawh 44 zinga 11 chu titawpin, Regular Investigation 7 ah neih mek a ni a. Thubuai 39-ah Preliminary Enquiry (PE) neih tawh a ni a, Preliminary Enquiry Report 24 dawng tawhin, PE la tihfel loh (pending) 15 a awm a. Case 3 chu PE neih hmaa chinfel a ni 

Lokayukta in kumin 2022 chhunga thubuai 7 a dawn tawh zingah Lengpui Airport cheithat hnathawh mek kaihhnawih chungchang chhui tura ngenna 3 a awm tawh a, chungte chu Mizoram Pradesh Youth Congress Committee, Zoram People Movement leh Mizoram First Movement te thubuai thehluh a ni. Thubuai dangte chu NABARD loan hmanga School hrang hrang sak that chungchanga MPYCC thubuai thehluh te, PMGSY hnuaia Ngaizawl kawng siam chungchang a ZPM thubuai thehluh te, Ropeway leh Skywalk chungchanga Tourism Department thubuai thehluh bakah MZP Hqrs. Kolasib in DIET, Kolasib chungchang a thubuai an thehluh te a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar