Niminpiah-ah hri kai hmuhchhuah pung leh hret

Niminpiah khan Mizoram-ah COVID-19 hri kai mi 125 hmuh belh leh niin Sample enfiah 758 atangin za zela 16.49 te chuan hri an kai a ni.

Niminpiah a hri kai hmuhchhuah 125 te hi Rapid Antigen Test-a hri kai hmuhchhuah vek niin Serchhip District-ah hri kai mi 70 hmuh an ni a, Saitual District-ah hri kai mi 22 hmuh ni bawkin Mamit District-ah 9, Aizawl District-ah 7, Khawzawl District-ah 6, Lunglei leh Kolasib District-ah mi 4 ve ve, Hnahthial District-ah mi 2 leh Lawngtlai District-ah hri kai mi pakhat hmuh an ni a. ZMC-a RT-PCR Laboratory-ah Sample 8 enfiah niin hri kai hmuh an awm lova, TrueNat Laboratory-ah Sample enfiah 14 atangin hri kai hmuhchhuah an awm lo bawk.

Nimin khan Mizoram-ah COVID-19 hri kai enkawl dam mi 89 an awm leh bawk a, heti hian nimin tlai thlenga Mizoram-a hri kai hmuh tawh chu 2,26,396 niin an zinga 2,25,207 te chu enkawl dam an ni tawh a, hri kai hmuhchhuah atanga chhutin za zela 99.47 te enkawl dam ni tawhin enkawllai 495 an la awm a, hri kai zingah mi 694 an boral tawh bawk a ni. Tun dinhmunah hri kai enkawllai mi pakhat awmna District pahnih leh mi 2 enkawlna District pakhat an awm mek a ni.