Taxation Deptt. chhiah hmuh vbc. 834.61 a tling

Mizoram sawrkar-a Taxation Department chuan kum liamta 2021-22 chhung khan Chhiah chi hrang hrang Rs. 8,34,61,77,548 a hmu a, kum 2021-22 chhunga sawrkarin Taxation Department sum hmuh zat tur a bituk (target) chu Rs. 1,84,61,77,548 in an khum a ni.

Kum 2021-22 budget ah Mizoram in Chhiah atanga sum hmuh a beisei chu cheng vbc. 719.56 a ni a, chung zinga vbc. 650 chu Taxation Department lakluh tura ruahman a ni a. Kum 2022-23 ah Chhiah atanga kan sum lakluh, State’s Own Tax atanga hmuh beisei zat chu cheng vbc. 801.30 a ni a, chu chu 2021-22 a hmuh beisei vbc. 719.56 atanga tehin 11.36%-in a pung a. Kum 2020-21 ah khan Chhiah hmuh tura Taxation Department in a ruahman zat chu cheng vbc. 600 niin, hmuh zawng zawng Rs. 6,77,83,53,824 a ni a, target khumna Rs.77,83,53,824 a tling a. Kum 2019-20 chhung khan Rs.6,67,28,72,503 an lo hmu tawh bawk a ni.

Taxation Department tarlan danin,kum 2005-2006 ah chhiah Rs. 45,95,99,733 (vbc. 45.95) a nih laiin, kum 2021-22 a chhiah hmuh erawh cheng vbc. 834.61 a tling tawh a, kum 2021-22 chu chhiah hmuh tam ber kum a nih bakah, Target khum san ber kum a ni bawk.

Taxation Department hian Chhiah lak bakah Tax Return File lo te reminder pein, Office lamah pawh an puih bakah, Tax Return File lo te an dapchhuak thin bawk a ni.