Niminpiah-ah hri kai 99 hmuh belh leh a ni

Niminpiah khan Mizoram-ah Sample 1178 enfiah leh niin heng atang hian COVID-19 hri kai mi 99 hmuhchhuah leh an ni a, Sample enfiah atanga chhutin za zela 8.40 te chuan hri an kai a ni.

Niminpiah a Mizoram-a hri kai hmuhchhuah mi 99 zinga 98 te hi Rapid Antigen Test hmanga Sample enfiah 1147 atanga hri kai hmuh te an ni a, Serchhip District-ah hri kai mi 30 hmuh niin Saitual District-ah 21, Mamit District-ah 16, Aizawl District-ah 11, Lunglei District-ah 9, Khawzawl District-ah 6, Kolasib District-ah 3 leh Siaha leh Hnahthial District-ah mi pakhat ve ve an ni. Hei bakah hian TrueNat Laboratory-a Sample enfiah 5 atangin Saitual District-ah hri kai mi pakhat hmuh a ni bawk a, ZMC-a RT-PCR Laboratory-ah Sample 19 enfiah niin hri kai hmuh an awm lova, Fluorescent Immunoassay Test hmanga Aizawl leh Serchhip District-a Sample enfiah 7 atangin hri kai hmuh belh an awm lo bawk.

Nimin khan Mizoram-ah COVID-19 hrik ai enkawl dam 98 awm belh lehin nimin tlai thleng khan Mizoram-a hri kai hmuhchhuah chu 2,26,271 niin an zinga 2,25,118 te enkawl dam an ni tawh a, hri kai zinga za zela 99.49 te enkawl dam ni tawhin hri kai enkawllai 461 an la awm a, hri kai zingah mi 692 an boral tawh bawk a ni.