Hri kai zingah za zela 99.46 enkawl dam tawh

Mizoram-a COVID-19 hri kai hmuhchhuah zinga za zela 99.46 te enkawl dam ni tawhin hri kai enkawllai 528 an la awm mek.

Inrinni khan Mizoram-ah Sample 617 enfiah awmin heng atang hian COVID-19 hri kai mi 96 hmuhchhuah an ni a, an vai hian Rapid Antigen Test hmanga Sample enfiah 608 atanga hri kai hmuhchhuah niin Serchhip District-ah 30, Saitual District-ah 28, Mamit District-ah 13, Lunglei District-ah 10, Aizawl District-ah 8, Kolasib leh Khawzawl District-ah mi 3 ve ve leh Champhai District-ah mi pakhat te an ni a. ZMC-a RT-PCR Laboratory-ah Sample 7 leh Lunglei-a TrueNat Laboratory-ah Sample enfiah 2 awm bawkin hri kai hmuhchhuah an awm lo thung a ni.

Zirtawpni khan Mizoram-ah Sample 138 enfiah awmin heng atang hian hri kai mi 53 hmuhchhuah an ni bawk a, heng hri kai hmuh te hi Rapid Antigen Test hmanga hri kai hmuhchhuah vek niin Saitual District-ah 31, Mamit District-ah 12, Serchhip District-ah 6 leh Aizawl District-ah 4 te an ni a. RT-PCR Laboratory leh TrueNat Laboratory bakah Fluorescent Immunoassay Test hmangin Sample enfiah a awm lo a ni.

Inrinni khan Mizoram-ah hri kai enkawl dam mi 110 awmin nimin ah mi 26 enkawl dam an ni leh a, heti hian nimin tlai thleng khan Mizoram-a hri kai hmuhchhuah tawh chu 2,26,111 niin an zinga 2,24,891 te chu enkawl dam an ni tawh a, hri kai hmuhchhuah zinga za zela 99.46 te enkawl dam ni tawhin hri kai enkawllai mi 528 an la awm a, hri kai zingah mi 692 an boral tawh a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar