Latest News

ASF hri leng palh thei chungchang sawihona nei

Tunhnaiah Mizoram hmun thenkhat ah Vawk hri, African Swine Fever (ASF) a rawn len leh tak avangin hemi laka Serchhip District a him theih dan tur nimin khan Serchhip DVO Office ah sawiho a ni.

He sawihona ah hian Serchhip DVO Dr. R. Lalmakthanga chuan ASF hri leng chu a ziaawm hnuah tunhnai khan Champhai leh Sakawrdai lamah ASF avanga Vawk thi a awm leh tak thu sawiin, Serchhip District-ah pawh he hri hi rawn lut palh thei a nih avangin Vawk damlo thenkhat te Sample la-a enfiah a nih thu leh tun thleng chuan hri kai an la awm loh thu a sawi a. Amaherawh chu he hri hi rawn lut thut thei a nih avangin a theih ang invenna kan kalpui a tul thu a sawi a ni.

He hunah hian Serchhip-a AH&Vety Department-a thawktute bakah FOCUS leh ATMA hnuaia Vety Doctor te pawh telin nikum lama he hri leng avang hma an lo lak tawhna te thlirho a ni a. Mipuite zirtirna kawnga hmalak dan tur pawh sawiho niin remchang hmasa ah khawtlang hruaitu, Vawk vulhtute leh Sa ser thin te pawh he hri leng chungchang hi sawipui nise an ti bawk.

Comments

Popular News (Last 30 Days)